Shqipërim Taipi prezantohet te Kukësi: Ja çfarë më bindi që të bashkohesha me verilindorët!
Konfirmohet lajmi i “Panorama Sport”, Shqipërim Taipi është zyrtarisht futbollist i Kukësit.
Mesfushori që sezonin e shkuar ishte pjesë e Skënderbeut, do të vijojë karrierën te skuadra verilindore, ku u bashkua me vëllain e tij Gjelbërim Taipi.
Në prononcimin gjatë prezantimit përpara mediave, ditën e sotme, Shqipërim Taipi ndër të tjera u shpreh:
“Kukësi çdo vit ka qenë ndër vendet e para dhe shpresoj që të jetë ashtu. Më bindi arsyeja që Kukësi thuajse çdo vit luan në Kupat e Europës dhe kjo ishte arsyeja pse u transferova këtu. Më motivon fakti që do të luftojmë për objektiva madhore. Shpresoj që të jemi ndër vendet e para. Roli im është mesfushor dhe shpresoj që më shumë të shërbej për shokët se sa të shënoj”, u shpreh Taipi.
