Në Bosnjë të gjithë mund të kenë mbetur të habitur nga reagimi i trajnerit të Vllaznisë, Tomas Brdariç, i cili ka kontestuar shpesh gjykimin dhe për këtë arsye u ndëshkua me karton të kuq dhe do të mungojë në drejtim në ndeshjen e kthimit në Shkodër.
Edhe një ditë pas humbjes trajneri nuk ka qenë i qetë, por i vendosur për t’i shkuar deri në fund e për të kërkuar drejtësinë.
“Panorama Sport” ka mësuar se Brdariç, edhe nëse klubi nuk bën ankesë në UEFA ndaj gjyqtarit të ndeshjes, Aleksei Matjunin, e ka ndarë mendjen që ta bëjë vetë një ankesë në komisionet përkatëse për arbitrin rus.
Pas ndeshjes Brdariç pohoi se lojtarët e tij luajtën ndaj 12 vetëve.
