Paulo Dybala postoi një foto me Paul Pogba në Miami dhe tifozët e Juventusit po ëndërrojnë për një kthim të mesfushorit të Manchester United në Torino.
Pogba dhe Dybala janë miq të ngushtë dhe kaluan një sezon së bashku në Juventus.
Dyshja u takua në Miami, ku Pogba mbërriti pas eliminimit të Francës nga UEFA Euro 2020 dhe tashmë janë duke kaluar së bashku pushimet e tyre.
Dybala nuk u përfshi në ekipin kombëtar të Argjentinës për Copa America dhe ka kaluar pushimet e tij në SHBA, ku ai ka qenë duke u stërvitur para para-sezonit me “Zonjën e Vjetër”.
Tashmë takimi i tyre po shihet si një shpresë e një rikthimi të madh të Pogbas tek Juventus.
