Në lidhje direkte me “El Chiringuito TV”, Paul Pogba foli për eliminimin e Francës nga “Euro 2020”, pas ndeshjes së humbur me penallti kundër Zvicrës: “Unë jam shumë i trishtuar, e dimë se mund ta kishim kaluar këtë raund. Ishte pak faji ynë, por kjo ndeshje do të hyjë në histori, pati shumë përmbysje dhe emocionuese. Do ta kujtojmë gjatë atë, është një mësim për të gjithë ne”.
Një pyetje e pashmangshme në lidhje me gabimin e Mbappé në penalltinë vendimtare: “Eliminimi, faji i tij? Sigurisht që jo. Ne e dimë se gjëra të mëdha priten nga lojtarët e shkëlqyeshëm, të gjithë njerëzit presin të shënojnë shumë gola dhe të fitojnë titullin e golashënuesit më të mirë.
Nëse më pyesni mua, Kylian krijoi mundësi dhe dha shpirtin në fushë. Ai është një njeri i madh, do të jetë një mësim edhe për të. Nuk ka asnjë fajtor të vetëm, të gjithë jemi në të njëjtën varkë. Kështu është futbolli: ndonjëherë bukur dhe nganjëherë shëmtuar. Kësaj here ishte e shëmtuar për ne dhe e mrekullueshme për Zvicrën”.
Në fund, një ngacmim për transferimin e tij të radhës: “Nëse do të luaj te Real Madridi? (qesh) E prisja një pyetje të tillë. Duhet të largohem nga lidhja direkte tani, po bëhem gati për pushimet…”.
