Ish-sulmuesi anglez dhe golashënuesi më i mirë i Kupës së Botës 1986, Gary Lineker, i njohur tashmë për “cicërimat” e shkruara kundër Italisë, ndoqi nga afër ndeshjen midis Francës dhe Zvicrës, duke komentuar të gjitha episodet e ndeshjes.
Në fillim të pjesës së dytë, pasi i sugjeroi qartë Deschamps për të ndryshuar diçka (“pyes veten se sa kohë do të duhet që Deschamps të kthehet në mënyrën e tij të zakonshme të lojës. Nuk funksionoi në pjesën e parë”), bekoi hyrjen e Kingsley Coman në fushë.
Por, “twitter”-i i mëposhtëm, pikërisht mbi talentin e Bayernit, e tradhtoi atë, duke ndezur polemikën sociale: “Rastësisht: zëvendësuesi i Francës, Kingsley Coman, në 10 vite lojë nuk ka fituar kurrë një kampionat për 3 klubet (PSG, Juve dhe Bayern Munich) për të cilët luajti”. Të dhënat e raportuara nga Lineker janë qartë të gabuara dhe ironia fsheh një sulm tjetër ndaj trajnerit francez, i cili e kishte kthyer Coman në stol, edhe pse luajti si zëvendësues.
Duke qenë se Kingsley Coman fitoi, ndër shumë tituj të tjerë, 10 tituj kampioni me të tria skuadrat e përmendura nga Lineker, komente të panumërta të të gjitha llojeve ndoqën “cicërimën” e tij. Ka nga ata që me qetësi e kujtuan se Coman mburret me 6 tituj në kampionatin gjerman, 2 në atë francez dhe 2 në atë Italian.
Ky komentues vendosi ta sulmojë atë, duke zgjedhur të mos lexojë damarin ironik të kolumnistit anglez: “A po tallesh? A e ke bërë testin e antidrogës?”.
