Riyad Mahrez ka folur për Goal në prag të finales së Champions League që Manchester City i tij do të luajë kundër Chelsea-t të shtunën në mbrëmje.
Një ndeshje që, sipas ish-yllit të Leicester, do të jetë speciale, por mbetet gjithsesi një ndeshjes mes 22 futbollistësh.
“Natyrisht ka pak presion, por është një presion i mirë që transformohet në besim dhe personalitet. Në mendjen time nuk ka presion, për mua është si të ishte një ndeshje normale”, ka thënë Mahrez.
“Natyrisht po flasim për finalen e Champions League, por për mua është vetëm një ndeshje futbolli”.
Fantazisti i Qytetarëve ka qenë mes më të mirë në fazën e fundit të turneut, por forca e vërtetë e Manchester City-t është një tjetër:
“Jemi shokë shumë të mirë skuadre, qeshim shumë dhe bëjmë shumë shaka mes nesh. Mendoj se është e rëndësishme kur luan ndeshje si kjo. Jemi shumë të lidhur. Kemi një skuadër shumë të mirë dhe e dimë se mund të luajmë kundër kujtdo”.
