Danny Rose dhe Paulo Gassaniga nuk do të jenë më pjesë e Tottenham Hotspur.
Lajmi është bërë i ditur nga klubi londinez, përmes një njoftimi në faqen zyrtare të klubit.
Të dy futbollistëve kontratat i kanë skaduar dhe tani janë lojtar të lirë.
Mbrojtësi 30-vjeçar, Danny Rose, ishte transferuar nga Leeds United te Tottenhami në vitin 2007, duke regjistruar në total 214 paraqitje dhe 10 gola.
Kurse, portieri 29-vjeçar, Paulo Gassaniga, ishte transferuar te Spuris më 2017. Argjentinasi ka regjistruar 37 paraqitje me Spurs.
