Toni Domgjoni është shqiptari i rradhës që do të veshë fanellën e skuadrës holandeze Vitesse.
Pas Milot Rashicës dhe Armando Brojës i cili u aktivizua në këtë sezon, skuadra e njohur holandeze ka prezantuar në selinë e klubit mesfushorin shqiptar me pasaportë zvicerane, Toni Domgjoni.
Mesfushori 22-vjeçar vjen nga Zurichu ku është aktivizuar për katër sezone dhe ndërmerr një hap të madh të karrierës duke shkuar me një kampionat të madh si ajo e Holandës.
Domgjoni është aktivizuar me moshat e Zvicrës nga U-18 deri tek U-21 dhe me fanellën e Zurichut në këtë sezon ai ka luajtur në të gjitha kompeticionet në 33 ndeshje ku ka realizuar tre gola dhe ka dhuruar dy asiste.
