Presidenti i klubit të futbollit Prishtina, Remzi Ejupi, uron presidentin e ri të Komitetit Olimpik të Kosovës, Ismet Krasniqi.
“Komiteti Olimpik i Kosovës sot e zgjodhi president në mënyrë të rregullt Ismet Krasniqin, i cili ishte në garë me Besim Hasanin dhe Linda Shalën.
Duke e uruar për pozitën e re, besoj dhe shpresoj fuqishëm se Krasniqi do t'i prijë proceseve për masivizimin e sportit dhe afirmimin sa më të madh në arenën ndërkombëtare.
Sporti i Kosovës ka nevojë për energji të re, e cila jam i bindur se nuk i mungon Ismet Krasniqit”, ka shkruar Ejupi në profilin e tij të facebookut.