Mbrojtësi i kombëtares së Kosovës, Leart Paçarada, me ekipin e St. Paulit, treguan lojë të madhe dhe fituan në udhëtim, me rezultat 2:1 kundër VfL Osnabruck-ut.
Futbollisti Paçarada si zakonisht titullar, u angazhua deri në pikën e fundit, duke i dhënë siguri mbrojtjes dhe njëherësh fitoi edhe derbin shqiptar, ndaj Bashkim Ajdinit (luajti titullar), ky i fundit u ndëshkua me karton të verdhë në minutën e 70-të.
Për St. Paulin shënuan Burgstaller (51'-nga penalltia), Marmoush (65') dhe për Osnabruck-un Heider (79').
Pas javës së 26-të në Bundesliga II, St. Pauli renditet në pozitën e 11-të me 35 pikë dhe Osnabruck bie në zonën e kuqe përkatësisht në pozitën e 16-të me 23 sosh.
Paçarada apo djali i ish portierit të mirënjohur të gjeneratës së artë të Prishtinës, tani me St. Paulin janë të qetë, larg zonës së rrezikut dhe synojnë të ngritën sa më lart në klasifikim.
