Derbi në Coppa Italia ndërmjet rivalëve të qytetit, Inter dhe Milan u bë temë e polemikave shkaku i një përplasje ndërmjet Zlatan Ibrahimovic dhe Romelu Lukaku.
Futbollistët ishin kacafytur dhe kishin shkëmbyer ofendime me njëri tjetrin, ku më pas janë dënuar nga një ndeshje mos-lojë nga Komisioni Disiplinor.
Por, pavarësisht kësaj, Prokurori federal, Giuseppe Chine ka hapur një hetim mbi rastin në fjalë.
Në kuadër të hetimit, Chine ka thirrur edhe Zlatan Ibrahimovic, i cili është distancuar nga çdo formë ose akuzë raciste të drejtuar ndaj tij.
Tani, radha është për Romelu Lukaku, I cili do të paraqitet para prokurorit Chine, përmes një video-konference.
Sipas “LaGazzettadelloSport”, Lukaku do të jap dëshminë e tij ku hipoteza më e mundshme është që të konfirmohet se ka pasur “Sjellje antisportive”.
Në rast të shkeljes së kodit penal nr 28, për gjykime sportive, atëherë dënimi mund të jetë më i rëndë nga Prokurori federal.