Sulmuesi i Juventus, Paolo Dybala, është bërë temë e diskutimeve pasi që nuk ka rinovuar kontratën ende.
Zhvillimet e fundit tregojnë se Juventus do të provojë edhe një mundësi për yllin argjentinas.
Kjo pasi bisedimet e mëparshme kishin pasur rezultat negativ dhe sipas raportimeve fajin e kishte Paolo Dybala, pasi që dëshironte një pagë më të madhe.
Edhe presidenti i Juventus, Andrea Agnelli, i cili deklaroi se klubi nga Torino nuk mund ti ofronte Dybalës shumën që dëshironte pasi që kërkesa ishte shumë e lartë, dhe se në fakt, ai ende nuk është në top pesë lojtarët në Evropë.
Sipas “Tuttosport”, Dybala ka filluar të shijojë kohën që po luan, dhe se palët përfaqësuese të klubit dhe lojtarit janë pajtuar të takohen edhe njëherë në shkurt.
