PSG disa ditë para se të mbyllej viti 2020 vendosi të shkarkojë trajnerin Thomas Tuchel, një vendim i befasishëm i klubit, që më pas emëroi në krye të stolit ish-teknikun e Tottenham, Mauricio Pochettino.
Nëse ne nga jashtë u befasuam, ata brenda ambientit të klubit e paskan pritur shkarkimin e gjermanit.
Të paktën kështu shprehet ish-kapiteni i kampionëve të Francës, Thiago Silva.
“Ishte e parashikueshme se kjo do ndodhte. E dinim se kishte situata në klub, që duheshin ndryshuar. Drejtori Leonardo mori situatën në dorë, bëri zgjedhjen e tij.
Nuk dihet nëse bëri mirë. Nuk pritej të shkarkohej menjëherë pas një fitoreje”, u shpreh Silva.
