Sulmuesi i Paris Saint-Germain, Kilyan Mbappe, mund të largohet nga skuadra parisiene vitin e ardhshëm si lojtar i lirë.
Kylian Mbappe është duke u bërë temë e diskutimeve pasi ai ende nuk e ka vazhduar kontratën, koha po kalon por tani ai është vetëm një vit larg nga të qenit i lirë për të negociuar me cilindo klub që i pëlqen, dhe nuk është sekret që Real Madrid është destinacion i mundshëm.
Kontrata e tij në Paris Saint-Germain zgjat deri në qershor të 2022, që do të thotë se ai do të ishte i lirë të negocionte me klube të tjera nga 1 janari 2022, nëse ai nuk e rinovon kontratën.
Real Madrid ka qenë prej kohësh i lidhur me të dhe sulmuesi madje kishte një ofertë nga ‘Los Blancos’ në kohën kur u largua nga Monaco. Edhe pse ai shkoi te PSG-ja, Mbappe do të ishte në gjendje të negociojë për një transferim në ‘Santiago Bernabeu’ brenda 365 ditësh.
Në vitin 2017, ai nuk donte të linte Monaco për të shkuar dhe të ulej në bankën rezervë në Real Madrid. Tani, megjithatë ai do të mbërrinte në Madrid si një nga yjet më të mëdhenj të futbollit modern. Edhe pse Leonardo është optimist në lidhje me qëndrimin e Mbappe në Paris, ende nuk është e qartë se cilat janë planet e tij.
Nëse ai do ishte vërtet i vendosur për të qëndruar, ai mund të kishte rinovuar deri tani. Muajt në vijim do të jenë thelbësor. PSG e di se ata madje mund të detyrohen të shesin Mbappe në verë nëse ai vendos që nuk do të rinovojë kontratën e tij. Ende vetëm 22 vjeçar, Mbappe aktualisht është në sezonin e tij të katërt në PSG.
Deri tani ai ka fituar Ligue 1 një herë, por Liga e Kampionëve është qëllimi kryesor dhe kjo nuk është arritur ende, edhe pse PSG arritën në finalen e sezonit të kaluar. Nëse ai vendos të nënshkruaj një marrëveshje të re, atëherë Real Madrid do të duhet të harrojë nënshkrimin e tij për tre ose katër vitet e ardhshme.
