Edinson Cavani është përfshirë në muralesin e famshëm të Napolit, në “Stazione Mostra” që të çon në stadiumin “Diego Armando Maradona”. Ish-sulmuesi napoletan i cili sot aktivizohet në rradhët e Mançester Junajtid dha një intervistë për mikrofonat e “MondoNapoli”:
Muralesi – “Unë e kam parë atë dhe jam shumë i emocionuar.
Është e disata herë që Napoli shfaq mirënjohjen për mua dhe që unë atë klub nuk do t’a harroj kurrë. Emocioni u dyfishua kur pashë fëmijët e mi të admironin atë murales.”
Për napoletanët – “Vetëm faleminderit. Do t’i jem gjithnjë mirënjohës. Për këtë arsye që u thashë “JO” shumë klubeve italiane, përfshirë Juventusin, i cili më telefononte shpesh, dhe gjithashtu Interin.
Nuk mund të bëja një gjest të tillë për napoletanët. Nëse mendoj për Napolin, mendoj për gëzim, sepse e di që kam bërë aq shumë për ta dhe ata vazhdojnë të më bëjnë homazhe me gjithë këtë".
