Agim Aliu priti një delegacion të biznesmenëve anglezë

Ferizaj

Agim Aliu priti një delegacion të biznesmenëve anglezë

Më: 1 qershor 2018 Në ora: 22:43
Pamje nga takimi

Kryetari i Ferizajt, Agim Aliu priti një delegacion biznesmenësh anglez, priten investime në Ferizaj dhe më gjerë.

Aliu ka pritur një delegacion investitorësh anglez të kryesuar nga legjenda e futbollit anglez, Brian Deane, të cilët qëndruan në Ferizaj për të parë nga afër mundësitë që ofron vendi ynë, qyteti i Ferizajt, në zbatimin e projekteve strategjike në fushën e ekonomisë.

I pari i Ferizajt, Agim Aliu me këtë rast falënderoi investitorët anglez dhe legjendën e futbollit anglez, Brian Deane që kanë parë mundësinë e investimeve në vendin tonë.

“Qeverisja ime ka përkrah miq vullnetmirë dhe investitorë serioz që synojnë t’i japin një nxitje të re ekonomisë vendore në përgjithësi e asaj ferizajase në veçanti. Po harmonizojmë mundësitë dhe kërkesat e tregut, lehtësirat që ne ofrojmë, që ky investim të ndodh së shpejti në vendin tonë dhe jam pafund, falënderues e mbështetës i këtyre iniciativave që Ferizajn e Kosovën ta faktorizojnë edhe më shumë në fushën e ekonomisë”, theksoi Kryetari i Ferizajt, Agim Aliu.

Synimet e investimeve të këtij grupi të biznesmenëve anglez shtrihen jo vetëm në territorin e Ferizajt, por edhe më gjerë, në favor të zhvillimit ekonomik dhe punësimit të të rinjve.

Më të lexuarat
Sot mund të lexoni Shfletoni kopertinat