Policia suedeze të martën largoi me forcë Greta Thunbergun dhe aktivistë të tjerë të klimës që po bllokonin hyrjen e parlamentit për të dytën ditë, duke i përzënë me një furgon policie.
Dy oficerë policie e kishin ngritur Thunbergun dhe e kishin tërhequr zvarrë rreth 20 metra nga dera që ajo kishte penguar përpara se ta ulnin në tokë, shkruan Reuters.
Policia e Stokholmit tha se megjithëse aktivistët kishin të drejtë të demonstronin jashtë parlamentit, pesë deri në 10 persona ishin larguar për bllokimin e hyrjes.
Thunberg dhe dhjetëra aktivistë të tjerë mjedisorë filluan të bllokojnë hyrjet kryesore të parlamentit suedez të hënën në një protestë ulur kundër efekteve të ndryshimeve klimatike dhe asaj që ata thanë se ishte mosveprim politik.
