LIVE: Presidenti Zelenskyy shqyrton mundësinë e shkarkimit të komandantit të forcave të armatosura

Presidenti ukrainas Volodymyr Zelenskyy tha se ai po mendon të shkarkojë nga detyra ushtarakun më të lartë të vendit, në kuadër të ndryshimit të udhëheqjes së ushtrisë, një opsion që ka tronditur vendin që po lufton për t’i dhënë fund agresionit rus dhe gjithashtu ka shqetësuar aleatët perëndimorë të Ukrainës.

Në një intervistë që u publikua të dielën në rrjetin televiziv Rai në Itali, zoti Zelenskyy konfirmoi se po mendonte për largimin e gjeneralit Valerii Zaluzhnyi, komandanti i forcave të armatosura të Ukrainës.

Ai tha se po shqyrtonte një vendimmarrje të tillë për të siguruar që vendi të vazhdojë të udhëhiqet nga individë që janë "të bindur për fitoren" kundër Rusisë.

"Një fillim i ri është i nevojshëm," tha zoti Zelenskyy. Rishikimi "nuk ka të bëjë me një person të vetëm, por me drejtimin e udhëheqjes së vendit".

"Po e konsideroj zëvendësimin e tij, por nuk mund të them se fjala është për të zëvendësuar vetëm një person," tha zoti Zelenskyy. "Kur flas për këtë, nënkuptoj ndryshime në një sërë udhëheqësish shtetërorë, jo vetëm në një sektor, si ushtria. Nëse duam të fitojmë, të gjithë duhet të kemi të njëjtin drejtim, të bindur për fitoren. Nuk mund të shkurajohemi, duhet të kemi energjinë e duhur pozitive", tha zoti Zelenskyy.

Këto komente të zotit Zelenskyy shënojnë herën e parë që ai pranon mundësinë për një shkarkim të mundshëm të gjeneralit Zaluzhnyi.

Një vendim i mundshëm i tillë ka shkaktuar zemërim në Ukrainë dhe nxitur entuziazëm në Kremlin, ndërsa po shënohen afro dy vjet luftime.

Gjenerali Zaluzhnyi gëzon respekt të gjerë në mesin e forcave ushtarake ukrainase dhe konsiderohet një hero kombëtar.

Atij i njihet merita për pengimin të sulmit në shkallë të gjerë nga Rusia gjatë ditëve të para të agresionit, si edhe zmbrapsjen me mjeshtëri të trupave të Moskës.

Kryetari i bashkisë së Kievit, Vitalii Klitschko kritikoi mundësinë e shkarkimit nga detyra të gjeneralit Zaluzhnyi, duke thënë se falë udhëheqjes së tij "shumë ukrainas u besojnë vërtet forcave të armatosura".

"Sot është një moment kur politika mund të mbizotërojë mbi arsyen dhe interesat e vendit," shkroi zoti Klitschko në mediat sociale.

Kryebashkiaku i kryeqytetit të Ukrainës ka qenë një kritik i zëshëm i Presidentit Zelenskyy. Presidenca nga ana e tij e ka akuzuar zyrën e kryebashkikut Klitschko për paaftësi.

Është e paqartë se kush mund të zërë vendin e gjeneralit Zaluzhnyi dhe nëse pasardhësi i tij do të gëzonte të njëjtin respekt nga forcat e Ukrainës dhe nga zyrtarët e huaj të mbrojtjes.

Largimi i tij mund të nxisë rënie të moralit ndërsa lufta është në një moment kritik.

Mediat ukrainase dhe ato perëndimore kanë njoftuar se zoti Zelenskyy i kërkoi zotit Zaluzhnyi të jepte dorëheqjen, javën e kaluar, por gjenerali refuzoi. Vetë gjenerali nuk ka bërë publikisht komente mbi njoftimet në media.

Tensionet mes tij dhe presidentit janë rritur që kurse nisi kundërofensiva ukrainase, në muajin qershor, gjatë të cilës u përdorën armë perëndimore, por nuk u arritën përparime të mëdha në vënien nën kontroll të territoreve të pushtuara nga Rusia, çka zhgënjeu aleatët e Ukrainës.

Ukraina po përballet tani me mungesën e municioneve dhe reduktim të trupave ndërsa Rusia është në ofensivë, duke kryer sulme të njëpasnjëshme.

Katër persona u vranë dhe të paktën një tjetër u plagos, në një sulm të hënën pasdite ndaj qytetit Kherson në jug të Ukrainës, tha kreu i administratës ushtarake lokale.

Nevoja për një mobilizim të gjerë për të rritur numrin e trupave ukrainase thuhet se ka qenë një nga çështjet për të cilat kanë patur mosmarrëveshje Presidenti Zelenskyy dhe gjenerali Zaluzhnyi.

Presidenti Zelenskyy tha në fund të vitit të kaluar se ai kishte refuzuar kërkesën e ushtrisë për të mobilizuar deri në 500,000 njerëz, duke kërkuar më shumë detaje mbi mënyrën e organizimit dhe pagesës së tyre.

Një krisje mes të dyve u shënua fillimisht në vjeshtë kur gjenerali pranoi në një intervistë për gazetën “The Economist” se nuk po përparohej në luftimet me Rusinë. Presidenti e mohoi fuqimisht një gjë të tillë.

Nga ana e tij, gjenerali Zaluzhnyi ka botuar dy shkrime përmes së cilave parashtron idetë e tij se si Ukraina mund ta fitojë luftën. Ai tha se ishte kritike që Ukraina të kishte epërsi ajrore, të krijonte rezerva dhe të rriste aftësitë e luftës elektronike.

Ministrja holandeze e Mbrojtjes Kajsa Ollongren njoftoi të hënën se Holanda po përgatiej t’i jepte Ukrainës gjashtë avionë luftarakë shtesë F-16, veç 18 të tjerëve që i kishte premtuar më parë.

Ukraina ka nevojë për më shumë ndihmë ushtarake perëndimore ndërsa forcat ruse manovrojnë nga shumë drejtime përgjatë vijës së frontit prej 1500 kilometrash.

Republikanët e Dhomës së Përfaqësuesve në Shtetet e Bashkuara kanë njoftuar se do të çojnë përpara një paketë shpenzimesh ushtarake që ofron ndihmë për Izraelin, por që nuk parashikon ndihma të tjera për Ukrainën. Shkarkimi i gjeneralit Zaluzhny mund të nxisë pasiguri të mëtejshme midis aleatëve perëndimorë.

Zëdhënësi i Kremlinit, Dmitry Peskov, duke thënë se diskutimet për shkarkimin e gjeneralit Zaluzhnyi ekspozuan përçarje në udhëheqjen ukrainase.

Gazeta “Ukrainska Pravda” njoftoi të hënën se Zelenskyy po konsideronte gjithashtu largimin e shefit të Shtabit të Përgjithshëm Serhii Shaptala.

Gjenerali Zaluzhnyi e uroi zotin Shaptala për ditëlindjen duke postuar një foto të tyre së bashku në Facebook.

“Do të jetë ende shumë e vështirë për ne, por nuk do të turpërohemi kurrë”, shkroi gjenerali Zaluzhnyi.

Presidenti Volodymyr Zelensky vizitoi civilët dhe ushtarakët në rajonet Dnipropetrovsk dhe Kropyvnytskyi në Ukrainën qendrore më 5 shkurt.

Në Dnipropetrovsk Oblast, Zelensky vizitoi një qendër trajnimi për grupet e qitjes së lëvizshme, ndoqi stërvitjet e mbrojtjes ajrore dhe dha çmime shtetërore. Më pas ai vizitoi një shkollë në Dnipro, ku foli me nxënës dhe mësues.

“I jam mirënjohës të gjithëve që, pavarësisht gjithçkaje, u siguron fëmijëve një jetë normale”, tha Zelensky në Telegram.

Zelensky më pas udhëtoi për në Kropyvnytskyi në Kirovohrad Oblast, 200 kilometra në perëndim të Dnpiros. Ai vizitoi një institucion mjekësor, ku foli me ushtarët e plagosur.

Rajoni i Kirovohrad është një rajon që "ndihmon në mënyrë aktive vendin të mbijetojë" si ekonomikisht ashtu edhe në aspektin e ofrimit të një shtëpie për 90,000 persona të zhvendosur brenda vendit, tha Zelensky. Ai u takua me autoritetet rajonale dhe diskutoi për mbrojtjen e infrastrukturës kritike.

Një ditë më parë, Zelensky vizitoi Brigadën e 65-të të Mekanizuar të Ukrainës pranë qytetit të vijës së parë të Robotyne në Zaporizhzhia Oblast.

Ukraina pret të marrë avionë luftarakë F-16 dhe raketa me rreze veprimi midis 300 dhe 500 kilometra "në paketa të tjera ndihme ushtarake" nga aleatët e saj, tha më 5 shkurt komandanti i Forcave të Përbashkëta Serhii Naiev.

Naiev nuk dha më shumë detaje mbi raketat dhe nuk specifikoi nëse ato do të vijnë së bashku me avionët F-16 apo veçmas.

Ushtria e Ukrainës ka përdorur raketat ATACMS dhe Storm Shadow/SCALP të ofruara nga SHBA-të të dorëzuara nga Britania e Madhe dhe Franca për të goditur vendet dhe pajisjet ushtarake ruse thellë pas vijave të frontit.

Varianti i ATACMS i dorëzuar në Ukrainë mund të godasë objektivat rreth 150 kilometra larg, ndërsa Storm Shadow/SCALP ka një rreze veprimi deri në 250 kilometra.

Kievi ka kërkuar gjithashtu raketa Taurus të prodhimit gjerman, të cilat kanë një rreze veprimi deri në 500 kilometra, por Berlini deri më tani ka refuzuar t'i dërgojë ato.

Sipas Naiev, avionët F-16 dhe raketat me rreze të gjatë "do t'i lejojnë Forcat e Mbrojtjes së Ukrainës të arrijnë sukses edhe më të madh në fushën e betejës dhe të çlirojnë territorin tonë nga armiku".

Pas samitit të 18-të të Ramsteinit më 23 janar, Ministria e Mbrojtjes tha se aleatët ishin zotuar të furnizonin Ukrainën me aftësi shtesë goditëse me rreze të gjatë, ndër të tjera.

Hollanda ka rritur numrin e avionëve F-16 të prodhuar nga SHBA-të që i ka premtuar Ukrainës në 24, njoftoi më 5 shkurt ministrja holandeze e Mbrojtjes Kajsa Ollongren.

Ministrja e Çështjeve të Veteranëve Julia Laputina paraqiti dorëheqjen e saj në parlamentin ukrainas, njoftoi kryetari Ruslan Stefanchuk më 5 shkurt.

Lajmi vjen një ditë pasi Presidenti Volodymyr Zelensky tha se ai po planifikonte një rivendosje në shkallë të gjerë të udhëheqjes së Ukrainës mes thashethemeve për shkarkimin e mundshëm të Komandantit të Përgjithshëm Valerii Zaluzhnyi.

Sipas Stefanchuk, Verkhovna Rada, parlamenti i Ukrainës, do të shqyrtojë dorëheqjen e Laputinës ditën tjetër.

Në letrën e dorëheqjes, Laputina nuk ka specifikuar arsyen e një vendimi të tillë.

Ministria për Çështjet e Veteranëve u krijua në vitin 2018, katër vjet pasi Rusia pushtoi për herë të parë Donbasin dhe aneksoi ilegalisht Krimenë, për të zbatuar politikën shtetërore për mbrojtjen sociale të veteranëve të luftës.

Në gusht të vitit të kaluar, ish-ministri i Mbrojtjes Oleksii Reznikov tha se rreth një milion ukrainas ishin bërë veteranë lufte që nga pushtimi rus i Donbasit në 2014.

Laputina ka shërbyer si drejtuese e ministrisë që nga dhjetori 2020. Më parë, ajo kishte përvojë shumëvjeçare në Shërbimin e Sigurisë së Ukrainës (SBU).

Autoritetet e Ukrainës po pretendojnë se Rusisë ia kanë vrarë 810 ushtarakë në 24 orët e fundit, duke çuar numrin e ushtarëve të vrarë në 388.750.

Në një raport të publikuar të dielën, ushtria ukrainase ka thënë se që nga nisja e agresionit, Rusisë i janë shkatërruar 332 avionë ushtarakë, 324 helikopterë e 6.343 tanke.

Tutje, sipas Ukrainës, Rusisë i janë shkatërruar 13 automjete të blinduara në ditët e fundit, duke shkuar total 11.818, e 1848 raketa lundrimi. Humbje i ka shkaktuar edhe në aspektin e sistemeve të artilerisë, ku i janë shkatërruar 9.331 të tilla.

Shkatërrime janë regjistruar edhe në sistemet luftarake kundërajrore, gjithsej 663. Luftimet në Ukrainë po vijojnë. Presidenti Volodymyr Zelensky i ka bërë thirrje vendeve perëndimore që ta ndihmojmë me para dhe armatim.

Të enjten (1 shkurt) të gjitha vendet e Bashkimit Evropian miratuan pakon ndihmëse.

Jo, ushtria private ruse pro-regjimit Wagner, të cilën presidenti rus Vladimir Putin e shpërndau verën e kaluar për shkak të një rebelimi ushtarak, nuk ka "vdekur". Ajo është ringjallur, por shumë larg Rusisë apo Ukrainës.

Tani grupi po “zhvendoset” në Afrikë, ku po përjeton një “rini të re”. Moska po formon Korpusin Afrikan, që jo vetëm do të luftojë për interesat ruse, por edhe do të kontrollojë operacionet e tyre në kontinent, shkruajnë “Bloomberg” dhe “Independent”.

 Në Republikën e Afrikës Qendrore dhe Mali, Wagner ofronte forca kundër terrorizmit dhe detaje të sigurisë personale për zyrtarët e qeverisë. Rrjeti i saj në këto vende është i rrënjosur thellë. Ajo i rezistoi presionit të jashtëm të shkaktuar nga lufta në Ukrainë dhe ka përballuar presionin ekonomik në rritje nga Perëndimi duke inkurajuar vendet afrikane të ndërpresin lidhjet me Wagner.  Portali i pavarur rus Nastoyaš?e vremja thotë se gjithçka drejtohet nga njerëz nga rrethi i ngushtë i Kremlinit.

Lideri i ri

Përkatësisht, zëvendësministrit të Mbrojtjes, gjeneralit Yunus-Bek Yevkurov dhe gjeneralit të Shërbimit Informativ Ushtarak GRU, Andrej Averjanov, iu dhanë detyra për të udhëhequr Korpusin e Afrikës. Redaksia ruse e Radio Sloboda dhe e projektit "All Eyes on Wagner" shkruan se diplomati Denis Pavlov u bë zyrtarisht lideri i ri i mercenarëve rusë në Afrikë.

Ai ka punuar më parë në misionet ruse në UNESCO, BE dhe OKB në Paris, Gjenevë dhe Bruksel dhe hetimet kanë treguar se ai ka lidhje të ngushta me FSB-në ruse dhe Shërbimin e Inteligjencës së Jashtme Ruse (SVR). Është interesante që as analistët pro regjimit nuk e fshehin, ndaj “Independent” thekson se për Korpusin e Afrikës ka folur edhe Igor Korotchenko, kryeredaktor i revistës “National Defense”, pranë Ministrisë së Mbrojtjes ruse.

Autoritetet ruse po rekrutojnë njerëz për Afrika Korps për të zëvendësuar mercenarët e Wagner në kontinentin afrikan, shkruan “Bloomberg”.

Biznesi i Wagner

Formacioni i ri ushtarak planifikon të "mbledhë" një trupë prej 20,000 ish-vagnerianësh deri në mes të vitit.  Për shkak të përshkallëzimit të konfliktit në Lindjen e Mesme (Izrael - Gaza), Rusia ka rritur praninë e saj ushtarake në Sudan dhe Libi, dhe pas formimit të Korpusit Afrikan, përfaqësuesit e saj do të vendosen në Burkina Faso, Libi, Mali, Republika e Afrikës Qendrore dhe Nigeri.

Pas një sërë “grusht shteti” në vendet e Sahelit dhe një vakumi të caktuar, i cili u krijua nga humbja e ndikimit, në radhë të parë të Francës, tani Rusia dëshiron të pozicionohet në atë zonë. Sipas “Bloomberg”, duke cituar burime në Rusi, rreth 100 mercenarë rusë kanë mbërritur tashmë në Burkina Faso për të monitoruar sigurinë e liderit të vendit, Ibrahim Traore.

Përveç kësaj, është planifikuar ndërtimi i një baze ushtarake në Republikën e Afrikës Qendrore, ku tashmë janë vendosur dy mijë ushtarë rusë. Nga ana tjetër, “Independent” thekson se strukturat e Ministrisë së Mbrojtjes kanë marrë plotësisht nën kontroll ish-mercenarët e Wagner.

Dhe nuk ka të bëjë vetëm me komponentin ushtarak, por edhe atë të biznesit, sepse Wagner dhe ish-shefi i tij Yevgeny Prigozhin, i cili së fundi vdiq në një aksident avioni të pashpjegueshëm, vetëm dy muaj pas rebelimit ushtarak që ai organizoi, kontrollonin shumë miniera, veçanërisht ari dhe uraniumi në Afrikë.

Synimet e Moskës

Pozicioni strategjik i Wagner-it në Afrikë i jep Rusisë akses në lëndët e para të Afrikës dhe i lejon asaj të ndërtojë marrëdhënie në Jugun Global. Në të vërtetë, tashmë ka prova se politika e jashtme e Rusisë ka hyrë në modelet e votimit të shteteve afrikane në Kombet e Bashkuara.

Kur Asambleja e Përgjithshme e OKB-së mbajti një votim vitin e kaluar duke i bërë thirrje Rusisë të tërhiqte trupat e saj nga Ukraina, shtetet e dukshme afrikane me përfshirjen e Wagner abstenuan, duke përfshirë Malin, Sudanin dhe Republikën e Afrikës Qendrore.

Moska do të vazhdojë të përdorë përfshirjen e Wagner-it në Afrikë për të zgjeruar ndikimin ndërkombëtar të Kremlinit duke i detyruar partnerët afrikanë të votojnë me Rusinë për rezolutat kryesore të OKB-së.

Presidenti i Ukrainës, Volodymyr Zelensky, ka thënë se është duke e shqyrtuar mundësinë e shkarkimit të oficerit të lartë ushtarak të vendit, një perspektivë që ka tronditur kombin që po përballet me pushtimin rus dhe ka shqetësuar aleatët perëndimorë të Kievit.

I pyetur nëse ai po konsideronte largimin e gjeneralit Valerii Zaluzhnyi, Zelensky i tha TV italian RAI në një intervistë të lëshuar vonë të dielën se ai po mendonte për këtë si pjesë e një çështjeje më të gjerë të përcaktimit të rrugës së vendit, shkruajnë mediat e huaja.

Ai tha se “një rivendosje, një fillim i ri është i nevojshëm” dhe “nuk ka të bëjë me një person të vetëm, por me drejtimin e udhëheqjes së vendit”.

“Unë jam duke menduar për këtë zëvendësim, por nuk mund të thuash këtu se kemi zëvendësuar një person të vetëm”, tha Zelensky. “Kur flasim për këtë, kam parasysh një zëvendësim të një sërë drejtuesish shtetërorë, jo vetëm në një sektor të vetëm si ushtria. Nëse duam të fitojmë duhet të shtyjmë të gjithë në të njëjtin drejtim, të bindur për fitoren, nuk mund të dekurajojmë, duhet të kemi energjinë e duhur pozitive”.

Komentet e Zelenskyt shënuan konfirmimin e tij të parë se ai po mendonte të shkarkonte gjeneralin gjerësisht popullor, një mundësi që shkaktoi një zhurmë në Ukrainë dhe gëzoi Kremlinin ndërsa lufta po i afrohet përvjetorit të saj të dytë.

Sipas raporteve të mediave ukrainase dhe perëndimore, Zelenskyy javën e kaluar i ofroi Zaluzhnyit të jepte dorëheqjen, por gjenerali refuzoi.

Zaluzhnyi nuk ka komentuar mbi këtë çështje.

Tensionet midis presidentit dhe Zaluznyi janë rritur ndërsa vendi përballet me mungesa të mëdha municionesh dhe personeli pas një kundërofensive të dështuar të verës.

Nevoja për një mobilizim të gjerë për të plotësuar gradat thuhet se ka qenë një nga fushat e mosmarrëveshjeve.

Zelenskyy tha në fund të vitit të kaluar se ai kishte refuzuar kërkesën e ushtrisë për të mobilizuar deri në 500,000 njerëz, duke kërkuar më shumë detaje se si do të organizohej dhe paguhej.

Një përçarje midis Zaluzhnyi dhe Zelensky fillimisht shpërtheu vjeshtën e kaluar kur gjenerali pranoi në një intervistë me The Economist se luftimet me Rusinë ishin bllokuar.

Presidenti mohoi fuqimisht se bëhej fjalë për diçka të tillë.

Presidenti ukrainas Volodymyr Zelenskyy ka deklaruar nevojën për një "ndryshime" në udhëheqjen e vendit, duke rritur kështu spekulimet për shkarkimin e Komandantit të Përgjithshëm Valerii Zaluzhnyi.

“Nëse duam të fitojmë, të gjithë duhet të shtyjmë në të njëjtin drejtim, të bindur për fitoren, nuk mund të dekurajohemi, duhet të kemi energjinë e duhur pozitive… prandaj po flas për ndryshim, për zëvendësim”, i tha Zelenskyy transmetuesit shtetëror italian RAI në një intervistë të transmetuar të dielën.

Ndërsa thotë "ndryshim", ai i referohet një "qarkullimi" të një numri zyrtarësh shtetërorë dhe nuk është i fokusuar në një entitet të vetëm siç është ushtria. “Kam diçka serioze në mendje, që nuk ka të bëjë me një person të vetëm, por me drejtimin e udhëheqjes së vendit”, shtoi ai.

Pretendohet se Zelenskyy ka shkarkuar gjeneralin e lartë në tronditjen më të madhe të komandës ushtarake që nga fillimi i "operacionit special ushtarak" të Rusisë dy vjet më parë.

Ministria e Mbrojtjes, megjithatë, ka mohuar raportet e mediave se Zaluzhnyi, ishte shkarkuar. /Anadolu Agency/

Perëndimi është bashkëpunëtor në vrasjen e civilëve nga ushtria ukrainase në Donbass, ka pohuar zëdhënësja e Ministrisë së Jashtme ruse Maria Zakharova. Ajo i referohej sulmit të fundit ukrainas në një furrë buke në qytetin e Lisichansk, me sa duket duke përfshirë armatimin e siguruar nga aleatët e Kievit, i cili mori jetën e të paktën 28 ​​civilëve.

Pas sulmit, kreu i ngarkuar i Republikës Popullore të Luganskut, Leonid Pasechnik, akuzoi ushtrinë ukrainase për shënjestrimin e qëllimshëm të ndërtesës në një fundjavë për të maksimizuar viktimat civile. Në një postim në kanalin e tij Telegram, ai shtoi se “shërbimet e urgjencës kanë arritur të shpëtojnë dhjetë persona nga nën rrënoja”, me mjekët që kanë bërë çmos për të shpëtuar jetën e tyre.

Në një deklaratë, Zakharova tha se “sipas informacioneve paraprake, sulmi u krye duke përdorur armë perëndimore”. Ajo e përshkroi bombardimin si një “sulm terrorist” që synonte të përçonte “mirënjohjen e Kievit për mbështetjen ‘bujare’ financiare nga vendet e BE-së”.

Zëdhënësja e ministrisë së jashtme shtoi se qytetarët e vendeve të BE-së duhet të jenë të vetëdijshëm se për çfarë po shpenzohen taksat e tyre, përkatësisht “sistemet vdekjeprurëse të armëve” të përdorura nga ushtria ukrainase për të “vrarë civilë”.

“Ne sugjerojmë që parisienët të imagjinojnë se si shkojnë në mëngjes për një baguette, dhe banorët e Romës për të pirë një filxhan kafe me korneto, por në vend të pastës së sapopjekur të kthehen në shtëpi me të afërmit e plagosur ose vrarë nga terroristët ukrainas,” akuzoi Zakharova. .

Duke i bërë jehonë Pasechnik, diplomatja pretendoi se forcat e Kievit kishin qenë të vetëdijshme se civilët, duke përfshirë familje me fëmijë dhe të moshuar, zakonisht dynden në furrë fundjavave.

Ajo shtoi se ndërtesa ishte rrafshuar si pasojë e granatimeve.

Sipas Zakharova, incidenti vdekjeprurës është “provë e mëtejshme e natyrës kriminale të regjimit të Kievit”. Ajo vazhdoi të citonte presidentin rus Vladimir Putin, i cili të premten e karakterizoi ushtrinë ukrainase si një “organizatë terroriste që sulmon ambulancat”. Ai i referohej disa sulmeve ndaj mjekëve ndihmës që punonin në Donbass muajin e kaluar.

Zëdhënësja e Ministrisë së Jashtme përfundoi duke thënë se Moska do të informojë “organizatat ndërkombëtare për një tjetër sulm terrorist nga ana e bandës së Zelensky”. Zyrtarja vuri në dukje se Rusia pret një dënim të shpejtë dhe të qartë të veprimeve të Kievit.

Autoritetet në LPR shpallën të dielën ditë zie për 28 viktimat e sulmit në furrën e bukës, mes të cilëve edhe një fëmijë.

Pasechnik u zotua se përgjegjësit do të sillen para drejtësisë “për këtë tragjedi të tmerrshme, për çdo vdekje”.

Pothuajse 17 mijë objekte të dëmtuara nga pushtuesit rusë janë restauruar tashmë në rajonin e Kievit.

Këtë e ka bërë të ditur në Facebook , Ruslan Kravchenko, kreu i Administratës Ushtarake Rajonale.

Sipas tij, “armiku vazhdon të sulmojë rajonin e Kievit. Prandaj, numri i objekteve të dëmtuara po rritet. Sot ka më shumë se 29 mijë prej tyre.”

Ai vuri në dukje se rindërtimi është në vazhdim. Prioriteti është rivendosja e banesave.

“Së bashku me komunitetin Irpin, ne kemi riparuar tashmë 31 shtëpi private përballë kompleksit të banimit “Irpinsky Lypky”. Po ndërtojmë 30 shtëpi të tjera nga e para. Më shumë se 300 njerëz mbetën të pastrehë në rrugën Bahirova për shkak të pushtuesve rusë. Disa janë kthyer në shtëpi”, theksoi kreu i ARM-së.

Sipas Kravchenko, zbatimi i masave kundër korrupsionit në rajon vazhdon. Grupi “Transparenca dhe Përgjegjshmëria”, me pjesëmarrjen e oficerëve të zbatimit të ligjit, vizitoi të shtatë rrethet e rajonit të Kievit. Është duke u zhvilluar një plan për inspektimin e mëtejshëm të përbashkët të projekteve të ndërtimit”.

Një konvikt i vjetër u rindërtua në fshatin Mykhailivka-Rubezhivka në rajonin e Kievit për të akomoduar personat e zhvendosur brenda vendit.