Presidenti rus Vladimir Putin mbeti totalisht pa fjalë, kur u përball me një kopje të tij të krijuar nga AI. Kopja e tij shfrytëzoi rastin për t'i bërë një pyetje Putinit në lidhje me inteligjencën artificiale gjatë konferencës vjetore për shtyp, ku pjesëmarrës të shumtë nga i gjithë vendi u lidhën me presidentin përmes videos.
"Vladimir, përshëndetje, unë jam student në Universitetin Shtetëror të Shën Petersburgut. Dua të pyes, a është e vërtetë që keni shumë sozi?” pyeti kopja e krijuar nga AI, duke shkaktuar të qeshura në mesin e audiencës në sallën në Moskë.
"Dhe gjithashtu: Si i shihni rreziqet që sjellin inteligjenca artificiale dhe rrjetet nervore në jetën tonë?", pyeti ai. Pyetja shkaktoi një hezitim të rrallë nga Putini, pas katër orë pyetjesh dhe përgjigjesh në ngjarjen maratonë.
Putin's double asked Putin about doubles.
— Cloooud |🇺🇦 (@GloOouD) December 14, 2023
“This is my first double, by the way,” Putin said.
It turned out funny 😄 pic.twitter.com/0SlFkrZjtP
“E shoh që më ngjan dhe mund të flasësh me zërin tim. Por unë kam menduar për këtë dhe kam vendosur që vetëm një person duhet të jetë si unë dhe të flasë me zërin tim dhe ai do të jem unë”, tha ai. “Për sa i përket inteligjencës artificiale, ky është binjaku im i parë”, tha ai.
"A duhet të kemi frikë nga inteligjenca artificiale apo jo? Parandalimi i përparimit të AI... zbulimi i aromave, shqisave dhe aftësive njohëse... është e pamundur... Nëse nuk mund ta parandalojmë, duhet të ecim përpara dhe të udhëheqim procesin. Megjithatë, askush nuk e di se ku do të na çojë”, shtoi ai.
Spekulimet e vazhdueshme, veçanërisht në mediat perëndimore, kanë aluduar jo pak herë që Putini përdor një ose më shumë sozi për disa paraqitje publike për shkak të problemeve të supozuara shëndetësore por Kremlini ka mohuar vazhdimisht pretendime të tilla.
