LIVE: Tensionet po vazhdojnë/ Kremlini nuk ndalon, deklarohet përsëri për Perëndimin – ja detajet e fundit

Kremlini ka thënë se Perëndimi po përpiqet të jetë “mik” me disa vende në mënyrë që ta largojë Rusinë nga rajone të caktuara.

“Perëndimi kolektiv ka rrëfimet e veta. Ata, si rregull, nuk janë miq. Ata po përpiqen të jenë miq (me disa vende), duke e shtyrë Rusinë jashtë rajoneve të caktuara," tha zëdhënësi i Kremlinit Dmitry Peskov në një intervistë për kanalin televiziv Rossiya-1, një fragment i së cilës u shpërnda të dielën.

Moska nuk beson se kjo politikë ka ndonjë perspektivë, tha Peskov, duke shtuar se ata e dinë këtë politikë dhe janë mësuar me të.

"Ne gjithashtu mësuam se si t'i ndërtojmë lidhjet tona në mënyrë të tillë që të mbrohemi nga këto rreziqe," shtoi ai.

Rreth pesë milionë njerëz në Ukrainë janë detyruar të zhvendosen nga shtëpitë e tyre në pjesë të tjera të vendit, për shkak të sulmeve shumëvjeçare ruse, sipas të dhënave zyrtare.

Zëvendëskryeministrja e Ukrainës, Iryna Vereschuk, tha në televizionin shtetëror ukrainas se 4.9 milionë njerëz janë regjistruar si të zhvendosur brenda vendit.

Rreth 3.5 milionë njerëz u zhvendosën brenda Ukrainës prej se Rusia e nisi pushtimin e plotë të saj në shkurt 2022, tha ajo.

Para pushtimit, më shumë se një milion njerëz u zhvendosën brenda vendit që nga viti 2014, për shkak të luftimeve të vazhdueshme në rajonin e Donbasit në lindje të Ukrainës.

Forcat e udhëhequr nga Rusia i kishin marrë nën kontroll pjesë të rajoneve të Donjeckut dhe Luhanskut në atë kohë.

Nuk ka pasur lëvizje të mëdha të njerëzve së fundmi, tha Vereshchuk, duke shtuar se disa prej të zhvendosurve ishin kthyer nëpër shtëpitë e veta gjatë një periudhe gusht-nëntor.

Kjo përputhet me zhvillimet e gjendjes ushtarake në terren, ku frontet në lindje dhe në jug kanë mbetur kryesisht të pandryshueshme.

Sipas të dhënave të fundit të Kombeve të Bashkuara, rreth 6.2 milionë ukrainas kanë ikur jashtë vendit qoftë përkohësisht, apo përherë.

Para fillimit të luftës më 2022, Ukraina kishte një popullsi prej rreth 41.4 milionë./rel

Hetuesit rusë kanë hapur një hetim terrorizmi pasi një tren i madh mallrash doli nga shinat për shkak të një shpërthimi të dyshuar të një bombe të bërë vetë, të vendosur në një linjë hekurudhore në rajonin e Ryazanit, tha sot një komitet hetimor.

Sipas hetimeve të kryera mëngjesin e së shtunës, ka shpërthyer një eksploziv i improvizuar.

Për shkak të shpërthimit, 19 vagonë ​​të trenit të mallrave u hodhën nga binarët, thuhet në deklaratën e komitetit hetimor, raporton Reuters.

Një person, një ndihmës makinist, është lënduar lehtë në këtë aksident treni në rajonin e Ryazanit, njoftuan Hekurudhat Ruse, duke theksuar se nuk ka rrezik për mjedisin për shkak të incidentit, raportoi më herët RIA Novosti.

Ushtria e Ukrainës tha të shtunën vonë se situata në lindje dhe në jug të vendit “mbetet e vështirë”, duke përmendur sulmet e shpeshta ajrore dhe raketore ruse, në ditën kur Ukraina e shënoi përvjetorin e parë të çlirimit të qytetit strategjik, Herson.

Të shtunën vonë u raportua, po ashtu, se forcat ukrainase e çliruan fshatin Topoli në rajonin e Harkivit, rreth pesë kilometra larg kufirit rus.

Shtabi i Përgjithshëm i Ushtrisë së Ukrainës tha se forcat ruse i kryen 41 sulme ajrore dhe i hodhën 44 raketa të shtunën kundër “pozicioneve të trupave tona dhe zonave të populluara”, duke i goditur ndërtesat e banimit dhe zonat infrastrukturore.

“Fatkeqësisht, ka të vdekur dhe të plagosur në mesin e civilëve”, tha Shtabi i Përgjithshëm, pa dhënë hollësi.

“Situata operacionale në lindje dhe në jug të Ukrainës mbetet e vështirë”, tha ajo.

Ushtria shtoi se gjatë ditës, Forcat Ajrore Ukrainase kryen 10 sulme në “vendndodhjet e personelit, armëve dhe pajisjeve ushtarake të armikut”, duke thënë se e shkatërruan një sistem rus të raketave kundërajrore S-400.

Forcat Ajrore lëshuan një alarm për sulme me dronë gjatë natës së shtunë, duke raportuar se forcat mbrojtëse kishin shkatërruar dronë në rajonet Dniprepertovski, Harkiv, Mikolaiv, Poltava, dhe Kiev.

Alarmi u lëshua teksa Ukraina po e shënonte përvjetorin e parë të çlirimit të qytetit jugor, Herson, qendra e vetme administrative rajonale e kapur nga forcat ruse gjatë pushtimit që Moska e nisi në shkurt 2022.

Beteja për dominim në Detin e Zi u ndez këtë javë midis Ukrainës dhe Rusisë, pasi diku tjetër forcat e secilës palë vazhduan luftën e ashpër për kontrollin në lindje të Ukrainës me dimrin në prag.

Ukraina pretendoi se goditi anije të vogla detare ruse me drone detare, duke demonstruar vendosmërinë e saj për të vazhduar goditjen e pozicioneve ruse në thellësi në Krimenë e pushtuar.

Ndërkohë, një shpërthim në territorin e pushtuar nga Rusia në Luhansk, në Ukrainën lindore, vrau një zyrtar pro-Moskë, me një agjenci të inteligjencës ukrainase që mori përgjegjësinë për vrasjen.

Fronti i Detit të Zi

Inteligjenca e Mbrojtjes e Ukrainës (GUR) pretendoi se goditi dy anije të vogla detare ruse në Detin e Zi të premten, shfaqja e fundit e aftësisë së Ukrainës për të goditur objektivat ruse në Krimenë e pushtuar.

"Dy anije ruse zbarkuese janë goditur me dron detar ukrainas pranë Chernomorske, Krime," tha Andriy Yusov, një përfaqësues i GUR, në komentet për CNN.

Kryetari i bashkisë së Kievit, Vitali Klitschko ka thënë se “shpërthime të forta u dëgjuan” në orët e para të mëngjesit të së shtunës.

Informacioni paraprak sugjeron se sistemet e mbrojtjes ajrore ishin në gjendje të kapnin raketat, tha Klitschko.

Banorët janë urdhëruar të strehohen në strehimoret e sulmeve ajrore.

Sulmet erdhën pasi Presidenti Volodomyr Zelensky shënoi përvjetorin e parë të çlirimit të Khersonit nga Rusia.

Duke folur me banorët e qytetit, ai i vlerësoi ata që “frymëzuan botën me rezistencën e tyre”, raporton BBC.

Kurse në Odesa, rrethi bregdetar rreth 442 kilometra nga Kievi, pati raportime për të paktën dy sulme me raketa.