LIVE: Forcat ukrainase po avancojnë në jug të Bakhmutit/Ja si përgatiten snajperistët “Fantazmë” të Ukrainës!

Policia në Norvegji e ka arrestuar ish-komandantin e grupit mercenar Wagner, nën dyshimet se ai ka tentuar ta kalojë ilegalisht kufirin për t’u kthyer në Rusi, pasi ka kërkuar azil në Norvegji, më herët gjatë vitit.

Andrei Medvedev, i cili ka ikur nga Rusia përmes kufirit me Norvegjinë, është thënë të ketë vrapuar kur rojet kufitare ruse kanë shtënë me armë ndaj tij.

Policia e Norvegjisë ka thënë përmes një deklarate se një burrë, në të 20-at, është dërguar në mbajtje për tentimet që ta kalojë ilegalisht kufirin për në Rusi, por nuk ia ka përmendur emrin.

Kalimi i kufirit të Norvegjisë me Rusinë lejohet vetëm në disa pika.

Mirëpo, avokati i Medvedevit, Brynjulf Risnecs ka thënë se arrestimi i tij është bërë pas një keqkuptimi.

“Ai ka shkuar atje për ta gjetur vendin ku e ka kaluar kufirin në janar. Ai është ndaluar kur ka qenë në një taksi. Ai kurrë nuk i është afruar kufirit. Nuk ka qenë kurrë synimi i tij që të futet në Rusi”, ka shtuar Risnecs.

Kur ka arritur për herë të parë në Norvegji, Medvedev ka thënë se ka kërkuar azil sepse është frikësuar se mund të vritet, pasi ka dëshmuar për vrasjen dhe keqtrajtimin e të burgosurve rusë që janë dërguar në frontin e luftës në Ukrainë.

Ikja e tij në janar pati qenë kryelajm në botë, si një shembull i rrallë i dikujt që ka ikur në një shtet perëndimor, ndonëse ka pretenduar se ka luftuar për Rusinë si mercenar, në luftën në Ukrainë.

Themeluesi i Wagnerit, Yevgeny Prigozhin është vrarë më 23 gusht, kur një aeroplan privat, është rrëzuar në kushte të pasqaruara mirë.

Aeroplani është rrëzuar vetëm dy muaj pasi ai e ka nisur një rebelim kundër presidentit rus, Vladimir Putin në Rusi.

Ushtria ukrainase ka publikuar një video ku grupi i snajperistëve i quajtur “Fantazma” të Brigadës Presidenciale, shihen derisa përgatiten për të shkuar drejt një misioni luftarak.

Në pamjet e publikuara në Twitter, snajperistët mund të vërehen derisa vendosin rrobat e tyre kamufluese, furnizohen me armatim të duhur dhe nisen më pas drejt cakut.

Pasi të kenë mbërritur drejt një zone operative, njëri prej snajperistëve shihet derisa aktivizoi snajperin për të gjuajtur në drejtim të caqeve ruse.

☠️ Як снайпери групи "Привид" Президентської бригади готуються до виходу на бойове завдання, в яких умовах доводиться працювати і як наші снайпери "відпрацьовують" окупантів під Бахмутом. pic.twitter.com/ozB3il3xiL

— Inside the Armed Forces of Ukraine (@Inside_the_AFU) September 23, 2023

Grupi “Fantazmat e Bakhmutit” kanë operuar me muaj të tërë në skajet e Bakhmutit, qyteti ku janë zhvilluar luftimet më të përgjakshme prej se ka filluar lufta në Ukrainë. 

Forcat ukrainase po avancojnë në jug të Bakhmutit, raporton Instituti për Studimin e Luftës (ISW).

Në përditësimin e fundit të inteligjencës, organizata amerikane tha se pamjet e koordinatave të publikuara më 22 shtator treguan se forcat ukrainase përparuan në juglindje të fshatit Klishchiivka pranë Bakhmutit dhe thuhet se po përparonin në Zaporizhzhia-n perëndimore.

Shtabi i përgjithshëm ukrainas kishte raportuar gjithashtu se forcat ukrainase po “shternin dhe po u shkaktonin humbje forcave ruse përgjatë gjithë frontit”.

Vendosja e armatimit të rëndë të ofruar nga vendet perëndimore në periferi të Bakhmutit po shkaktonte dëme të konsiderueshme tek forcat ruse, sipas komandantëve ukrainas që folën për agjencinë e lajmeve Reuters.

Një ushtarak ukrainas theksoi rolin kryesor që luan artileria e rëndë në forcat e armatosura të Ukrainës, duke përfshirë armën Krab të prodhimit polak dhe obusin vetëlëvizës M109 të prodhuar në SHBA.

Ushtarët ukrainas po zotohen të rimarrin qytetin e shkatërruar të Bakhmutit, por përballen me një pengesë të gjatë dhe të vështirë pasi kanë hasur në rezistencën e ashpër ruse.

Bakhmut, i kapur nga forcat ruse në maj, është çmimi i vetëm i madh i Moskës në më shumë se një vit të luftimeve më të përgjakshme të konfliktit.

Presidenti ukrainas Volodymyr Zelensky tha këtë javë se Kievi do të rimarrë qytetin pasi forcat ukrainase rimorën javën e kaluar qytetet Andriivka dhe Klishchiivka në jug.

Yevgeny Prigozhin kaloi pothuajse një dekadë duke ndërtuar grupin paraushtarak Wagner dhe tani vdekja e tij duket se i ka lënë mercenarët në “qiell të hapur”.

Ngjarja ndezi një stuhi spekulimesh për të ardhmen e grupit, si dhe njeriun që do të zërë vendin e Prigozhin.

Madje, mediat ruse spekuluan se gjenerali rus Sergei Surovikin mund të bëhet bosi i ri i Wagner. Surovikin mori pjesë në një takim me udhëheqjen e departamentit ushtarak algjerian, i cili tregon fillimin e fushatës për emërimin në pozicionin e mbajtur nga themeluesi i kësaj kompanie private ushtarake, Yevgeny Prigozhin.

Janë lakuar edhe emra të tjerë, megjithatë tani në skenë ka dale një tjetër personazh, i konsideruar si “krahu i djathtë” i Prigozhin, sidomos për shkak të aktivitetit të tij në Afrikë. Bëhet fjalë përDmitry Sytii, një nga njerëzit e fundit që ndoshta pa të gjallë ish-kreun e Wagner-it, Prigozhin.

Ky i fundit, siç dihet, u vra në gusht pas rrëzimit të avionit të tij në rajonin rus të Tverit, teksa po kthehej nga kontinenti afrikan, ku Wagner-i i tij fitoi shumë nga prestigji politik dhe fuqia ekonomike

. Ajo që zgjoi kureshtjen më të madhe te gazetarët e pranishëm në Republikën e Afrikës Qendrore ishte prania e disa të rinjve që muajt e fundit mbanin bluza me figurën e Sytii. Një shenjë e pagabueshme e ndikimit të ushtruar aty.

 Do të ishte vetë Sytii që trashëgoi menaxhimin e biznesit fitimprurës të kompanisë ushtarake private në Afrikë. Por bashkëpunimi i tij i ngushtë me Prigozhin mund të përfaqësojë një element kyç për të ardhmen e tij.

“Krahu i djathtë” i Prigozhin

34-vjeçari duket se ka marrë një rol vendimtar në Republikën e Afrikës Qendrore, në zemër të biznesit të Wagner.

Aty kompania bëri debutimin e saj në kontinent dhe aty e paraqiti veten si një lojtar të madh ekonomik, duke menaxhuar tregtinë e diamanteve dhe arit dhe burimeve të tjera.

Vetë Sytii kishte menaxhuar biznesin e grupit vitet e fundit. Një figurë që nuk vjen nga bota ushtarake dhe as nga lëvizjet e ndryshme ideologjike nacionaliste që mbështetën kompaninë e Prigozhinit. Pa tatuazhe, me flokë të gjata, kaçurrela dhe veshje studentore modele: ky është imazhi i parë që vjen nga Dmitry Sytii.

Në fakt, CV-ja është ajo e dikujt me karrierë të gjatë në botën financiare dhe jo në botën ushtarake apo politike. Ai studioi biznes ndërkombëtar në Shën Petersburg, qytetin e Prigozhin dhe Putin, më pas mori një diplomë master në marketing dhe biznes në Shkollën e Biznesit në Paris.

Ai u punësua në Agjencinë e Kërkimeve të Internetit, një kompani e Prigozhin e cila, përsëri sipas Uashingtonit, nuk përfaqëson asgjë më shumë se një fabrikë në duart e Wagner.

Prandaj ka të ngjarë që Sytii dhe Prigozhin të jenë njohur asokohe. Fill pas kreu i kompanisë e dërgoi në Banguim kryeqyteti i Republikës së Afrikës Qendrore, ku ai pati një sërë postesh të rëndësishme, dhe ku biznesi vetëm u zgjerua dita-ditës.

“Armik” i Kremlinit

Ndikimi i Sytiit në Bangui konfirmohet edhe nga mënyra e jetesës së tij në kryeqytetin e vendit afrikan. Këtu ai udhëton me një fuoristradë dhe frekuenton restorante private, duke takuar shpesh figura të rangut të lartë nga jeta politike dhe ekonomike vendase.

Jo vetëm kaq, por ai zotëron një super-vilë në qendër të Banguit, dikur rezidenca zyrtare e presidencës së republikës. Megjithatë, në prill, një bombë brenda qendrës kulturore ruse, drejtor i së cilës është Sytii, i shkaktoi lëndime të rënda në dorën e djathtë dhe në gjoks.

Aq sa iu desh të trajtohej në Rusi për disa javë.  Sytii, pas ngjarjeve që tronditën Wagnerin, nuk u distancua kurrë nga Prigozhin. I intervistuar nga Pravda teksa po shërohej në Moskë, përfaqësuesi i ri i kompanisë kishte nënvizuar shprehimisht nevojën për të ecur përpara "për të shmangur shkatërrimin e asaj që është ndërtuar deri tani".

"Ne do të vazhdojmë të punojmë dhe të vazhdojmë të kryejmë të gjitha projektet tona nën drejtimin e Prigozhin", përsëriti ai më pas në një video në frëngjisht të publikuar në mediat sociale disa javë para rrëzimit të avionit të Prigozhin, duke i qëndruar besnik. Besnikëri që mund t’i kushtojë shtrenjtë.

Shtetet e Bashkuara të Amerikës kanë bërë publike detajet e një pakete të re ndihme ushtarake prej 325 milionë dollarësh për Ukrainën. Kjo paketë përfshin, ndër të tjera, municione thërrmuese, armë antitank dhe raketa për sistemet e mbrojtjes ajrore HIMARS, tha administrata amerikane.

“Qëndrueshmëria, guximi dhe vendosmëria e Ukrainës kanë frymëzuar botën dhe kanë nxitur përpjekjet e SHBA dhe globale për ta ndihmuar atë të mbrojë veten dhe të sigurojë të ardhmen e saj.

Pas njoftimit të Presidentit Biden për një paketë të re të ndihmës për sigurinë në Ukrainë, në përputhje me delegimin e autoritetit të Presidentit, unë po miratoj ndihmën shtesë të sigurisë për Ukrainën, e cila do të sigurojë 128 milionë dollarë armë dhe pajisje amerikane nga stoku i Departamentit të Mbrojtjes. Pentagoni do të sigurojë gjithashtu armë dhe pajisje me vlerë 197 milionë, si pjesë e kësteve të dakorduara më pare”, njoftoi Sekretari amerikan i Shtetit, Anthony Blinken.

Po ashtu u bë me dije se paketa e ndihmës përmban municion artilerie dhe antitank, si dhe municione thërrmuese, të cilat, siç u tha, do të përmirësojnë më tej kapacitetin e Ukrainës për të vazhduar kundërsulmin e saj kundër forcave ruse.

Departamnti Amerikan i Mbrojtjes tha në një deklaratë se po dërgon një paketë shtesë të ndihmës për sigurinë për të përmbushur nevojat jetike të sigurisë dhe mbrojtjes së Ukrainës.

Kjo paketë, me vlerë deri në 325 milionë dollarë, përfshin ndër të tjera raketa të mbrojtjes ajrore AIM-9M, municion shtesë për sistemet raketore të lëvizshme HIMARS dhe sistemet e mbrojtjes ajrore Avenger. Paketa e re përfshin sisteme kundër armaturës Javelin dhe AT-4, 59 automjete të tjera taktike.

Së fundmi, Zyra e Letonisë për Çështjet e Shtetësisë dhe Migracionit ka njoftuar se do t'u dërgojë ftesa rreth 3,600 shtetasve rusë për t'u larguar nga vendi.

Arsyeja e këtij vendimi nuk gjendet në debatet e shkaktuara nga konflikti ruso-ukrainas që kanë ndarë Perëndimin nga Rusia e Putinit, por në politikat e brendshme për çështjen e emigracionit dhe për bashkëjetesën mes kulturës ruse dhe letonishtes.

Autoritetet letoneze kishin deklaruar, disa muaj më parë, se banorët me kombësi ruse që posedonin një leje qëndrimi të përhershme, duhej të kalonin ose të paktën të kërkonin të bënin një test gjuhësor që synonte të verifikonte zotërimin dhe njohuritë e tyre të gjuhës, nëse ata donin të vazhdonin të ishin në Letoni. 3600 personat e prekur nga masa, sipas qeverisë letoneze, nuk e kaluan provimin ose nuk aplikuan as për të hyrë në të.

Testi i vendosur nga qeveria nuk kërkonte një nivel shumë të lartë të zotërimit të gjuhës, por ishte i mjaftueshëm për të marrë një A2, për të demonstruar se dikush dinte të ndërvepronte me banorët vendas dhe dinte të përballonte situatat e jetës së përditshme.

Rusët përbëjnë 28.3% të popullsisë letoneze dhe janë grupi etnik më i madh pas vendasve, para bjellorusëve (3.7%) dhe ukrainasve (2.5%). Shumica e rusëve banojnë në zonat urbane dhe gjatë pushtimit sovjetik të vendit baltik, komuniteti rus u rrit nga 8.8% në 34.05% në 1989; që nga 1991, që është edhe viti i shpërbërjes së Bashkimit Sovjetik, gradualisht ka rënë në 25.2% vitet e fundit.

Pas rifitimit të pavarësisë, republika e ringjallur e Balltikut nuk dha automatikisht shtetësinë qytetarëve rusishtfolës që kishin paraardhës të ardhur në vend pas qershorit 1940.

Operacionet e kërkim-shpëtimit kanë përfunduar në qytetin ukrainas të Kremenchuk, i cili, siç raportuam më herët, ishte subjekt i një sulmi raketor rus.

 "Kërkimi ka përfunduar," tha Dmytro Lunin, guvernator i rajonit më të gjerë të Poltava, në Telegram.

“Si pasojë e sulmit me raketa në Kremenchuk, 31 persona u plagosën, duke përfshirë tre fëmijë”.

16 persona u dërguan në spital dhe, siç ju sollëm më herët - një person vdiq. Guvernatori tha se nesër do të kryhet një inspektim i duhur i ndërtesave të dëmtuara dhe të dëmtuarit do të kompensohen.

Kryeministri rumun Marcel Ciolacu do të udhëtojë në Kiev së bashku me disa nga ministrat e tij për bisedime të vështira mbi ndalimin e importit të grurit, raportojnë mediat rumune.

"Unë do të kem një udhëtim me disa ministra në Kiev, kur mendoj se do të përfundojmë të gjitha diskutimet në lidhje me eksportin në territorin rumun," tha zoti Ciolacu nga Digi24.

“Në këtë moment, ajo që është negociuar nga ministri është shumë e qartë dhe jam i bindur plotësisht që a t'ju jap më shumë detaje.

Ai gjithashtu citohet të ketë thënë se ai flet "përditshëm" me udhëheqjen ukrainase.

Rumania nuk është një nga vendet që ka vendosur një ndalim të njëanshëm për importet e grurit ukrainas, por kishte ndjekur ndalimin e Komisionit Evropian që skadoi në fund të javës së kaluar.

Ministri i Bujqësisë Florin Barbu tha të mërkurën se një sistem licencimi i import-eksportit ishte për diskutim midis dy vendeve, pasi Rumania ishte e prirur të merrte grurë të lirë pa ndikuar në industrinë e saj bujqësore.

Siç ju sollëm pak kohë më parë, Kanadaja njoftoi një angazhim shtesë prej pak më pak se 400 milion £ për ndihmën ushtarake ukrainase, në krye të angazhimeve të saj ekzistuese.

Tani mund t'ju tregojmë se paratë do të përdoren për të ndërtuar 50 automjete të blinduara.

Automjetet do të ndërtohen në Kanada dhe më pas do të transportohen në Ukrainë - por aktualisht është e paqartë saktësisht se çfarë lloji dhe specifikimi do të jenë, ose kur Kievi mund të presë dorëzimin.

Ministri i Mbrojtjes i Kanadasë njoftoi më parë furnizimin e 200 transportuesve të personelit të blinduar të Senatorit (APC) në Ukrainë në janar.

Raketat Storm Shadow janë përdorur nga Ukraina për të sulmuar selinë e flotës së Detit të Zi, ka thënë forca ajrore e vendit për Sky News.

Një ushtar rus është ende i zhdukur pas sulmit - i cili la në flakë ndërtesën në Sevastopol.

Të paktën një raketë goditi shtabin, me zyrtarët rusë që raportuan se pesë të tjerë u rrëzuan.

Vendimi për të furnizuar raketat e prodhimit britanik dhe francez, të njohur gjithashtu si SCALP, ishte një nga thirrjet më të profilit të luftës nga vendet perëndimore - me shqetësimet se arma me rreze të gjatë mund të përdoret në territorin rus.

Britania dhe Franca ranë dakord të furnizonin raketat përkatësisht në maj dhe korrik të këtij viti.