Është mëngjes në Moskë, ku banorët ende kanë gjasa të përballen me ngjarjet dramatike që kanë parë që nga mbrëmja e së premtes.
Kërcënimi i menjëhershëm për ata që janë përgjegjës në Moskë – i një rebelimi të udhëhequr nga mercenarët – ka kaluar.
Disa njerëz me të cilët BBC foli në kryeqytetin rus të shtunën thanë se nuk ishin shumë të shqetësuar për luftëtarët Wagner, të cilët, në atë kohë, kishin marrë rrugën për në Moskë.
Rebelimi i Wagnerit nuk do të ndikojë në ofensivën ushtarake të Rusisë në Ukrainë, tha zëdhënësi i Kremlinit, Dmitry Peskov.
Një gjë e tillë “nuk vjen në shprehje”, tha ai.
Kreu i Wagnerit, Yevgeny Prigozhin, pohoi më herët se 25.000 luftëtarë të tij ishin gati ta sfidonin presidentin rus, Vladimir Putin.
Kolona të njerëzve të tij u panë duke shkuar drejt Moskës, pasi kaluan kufirin nga Ukraina.
Ata u tërhoqën në bazat e tyre, pas negociatave që Prigozhin zhvilloi me udhëheqësin bjellorus.
Luftëtarët e Wagnerit kanë pasur rol të rëndësishëm në luftën e Rusisë kundër Ukrainës.
Peskov tha se mercenarët e Wagnerit që dëshirojnë të nënshkruajnë kontratë me Ministrinë ruse të Mbrojtjes, mund ta bëjnë këtë, dhe se luftëtarët që morën pjesë në rebelim, nuk do të ndiqen penalisht.
