Ministria e Jashtme islandeze ka thirrur ambasadorin rus në Rejkjavik për ta informuar për mbylljen e ambasadës islandeze në Rusi nga 1 gushti.
Islanda gjithashtu kërkoi që Federata Ruse “të zvogëlojë shkallën e aktiviteteve në Reykjavik” dhe të ulë statusin e misionit diplomatik.
Në të njëjtën kohë, Ministria e Jashtme Islandeze tha se kjo nuk ishte një ndërprerje e marrëdhënieve diplomatike. Islanda do të punojë për rihapjen e ambasadës.
“Situata aktuale thjesht nuk e lejon shërbimin e vogël diplomatik të Islandës të ketë një ambasadë në Rusi. Shpresoj se kushtet do të na lejojnë një ditë të kemi marrëdhënie normale dhe të frytshme me Rusinë, por kjo varet nga vendimet që merr Kremlini”, thuhet në një deklaratë të Ministrisë së Jashtme Islandeze.
