Një burrë 60-vjeçar, i cili jo vetëm vrau nënën e tij të verbër të shtrirë në shtrat, sepse ishte lodhur duke u kujdesur për të", por ai edhe e përdhunoi vazhdimisht derisa ajo ishte gjallë, është dënuar me burgim të përjetshëm.
Krimi i rëndë u zbardh korrikun e kaluar, në Xirohori të Selanikut, kur vëllai i të akuzuarit gjeti të vdekur 84-vjeçaren brenda shtëpisë ku ajo jetonte me djalin e saj.
Gjykata e Selanikut, pranë së cilës 60-vjeçari u referua për t'u gjykuar, e shpalli fajtor për vrasje me dashje, përdhunim, lëndim trupor ndaj personit të dobët, dëmtim trupor në familje dhe akte seksuale mes të afërmve, pa njohur asnjë rrethanë lehtësuese.
Duke vlerësuar materialin dëshmues të shkresave të lëndës dhe dëshmitë e dëshmitarëve, prokurori i qarkut Argyri Kotina deklaroi se i akuzuari ka ushtruar dhunë në familje, duke rrahur brutalisht vëllain dhe nënën e tij.
Kjo e fundit ishte “përdhunuar deri në vdekje” edhe pse ishte bërë e verbër dhe e paaftë. “Atë e kishte për kafshë shtëpiake”, theksoi prokurorja publike gjatë seancës së saj.
Sipas shkresave të lëndës, krimi brutal ka ndodhur kur 84-vjeçarja e ka thirrur për ta ndihmuar. Pastaj ai u zemërua dhe e vrau atë.
Në fakt, të nesërmen, autori nxitoi ta varroste pa përfshirë një zyrë funerali, duke kërkuar një prift nga vendbanimi fqinj, në përpjekje për të mbuluar krimin e tij. Madje ai ka kërcënuar edhe vëllain e tij se do të ketë të njëjtin fat si nëna e tyre nëse do ta denoncojë në polici.
Njerëzit e afërt të dy vëllezërve kanë njoftuar përfundimisht policinë dhe 60-vjeçari është arrestuar, duke rrëfyer aktin e tij, të cilin e ka justifikuar duke thënë se “u lodha duke u kujdesur për të, nuk duroja dot më”.
Nga ekspertiza mjeko-ligjore që vijoi, rezultoi se e moshuara fatkeqe kishte shenja të abuzimit seksual të cilat datoheshin pak kohë përpara vrasjes së saj.
