Ukraina shpreson të marrë një ofertë për anëtarësim në NATO në fillim të kësaj vere, sipas kryetarit të parlamentit, Ruslan Stefanchuk.
“Ne presim që Ukraina të marrë një ftesë në samitin e Vilnius dhe të fillojë rrugën e saj në aleancë”, tha Stefanchuk për televizionin ukrainas.
Kremlini ka përmendur pranimin e mundshëm të Ukrainës në aleancën e mbrojtjes, të perceptuar nga Rusia si një rrezik sigurie, si ndër arsyet për pushtimin e fqinjit të saj nga Moska, një vit më parë.
Stefanchuk vuri në dukje se në Konferencën e Sigurisë së Mynihut, tashmë po diskutohet mundësia për një ftesë për Ukrainën për t’u bashkuar me NATO-n.
Samiti i NATO-s të është planifikuar të zhvillohet më 11 deri më 12 korrik në kryeqytetin lituanez, Vilnius.
Krahas dhënies së territorit, “denazifikimit” dhe “çmilitarizimit”, statusi i paangazhuar i Ukrainës është një nga kushtet që Rusia ka vendosur për t’i dhënë fund luftës së saj.
Megjithëse presidenti i Ukrainës, Volodymyr Zelensky ka prejardhje hebreje, Moska pretendon se nazistët janë në pushtet në Kiev.
Në negociatat menjëherë pas fillimit të pushtimit rus, thuhet se Kievi ka rënë dakord për të hequr dorë nga shpresat e anëtarësimit në NATO.
Që atëherë, megjithatë, pozitat e të dy palëve ndërluftuese janë ngurtësuar, pjesërisht për shkak të zbulimit të krimeve të luftës.
