Një pjesë e Anglisë mund të përballet me thatësirë deri muajin gusht, nëse moti i nxehtë dhe i thatë vazhdon të “pushtojë” vendin.
Një pranverë e thatë dhe stina e verës tashmë kanë tharë lumenjtë e rezervuare, duke ulur cilësinë e ujit në shumë pjesë të Anglisë.
Sipas Sky News kjo situatë ka bërë që një pjesë e madhe e vendit të kenë statusin e “motit i zgjatur i thatë”.
Nëse zonat do të kalojnë në fazën e dytë të thatësirës dhe reshjet e shiut nuk do të jenë prezente do të shtojë akoma më shumë rrezikun e një thatësire të vazhdueshme.
Mediat britanike kanë raportuar për një mot shumë të thatë për javët e ardhshme, duke u përfshirë nga një tjetër valë tjetër e nxehtë pa reshje shiu.
E gjithë kjo situatë ka ndikuar negativisht në sasinë e ujit që ka Anglia dhe se prej disa kohësh shumë lumenjt janë tharë, ndërsa kompanive të ujit iu është bërë kërkesë për të kufizuar kërkesën.
