Milorad Dodik, një anëtar serb i Presidencës së Bosnje dhe Hercegovinës, ka njoftuar planet për të marrë pjesë në Forumin Ekonomik Ndërkombëtar në Shën Petersburg, ku do të takohet me presidentin rus Vladimir Putin më 17 qershor.
“Po shkoj në Shën Petersburg për një forum ekonomik.
Presidenti Putin merr pjesë tradicionalisht në forum. Takimi me Putinin do të bëhet pas seancës plenare të SPIEF më 17 qershor”, tha Dodik, transmetojnë mediat kroate.
Dodik tha gjithashtu se gjatë udhëtimit të tij, një ditë para takimit me Putin-in, planifikon të takohet me ministrin e Jashtëm rus Sergei Lavrov.
