Rusia po vazhdon me sulmet dhe bobardimet e njëpasnjëshme ndaj Ukrainës.
Derisa, këto janë zhvillimet e fundit sa i përket konfliktit Ukrainë-Rusi, shkruan BBC, transmeton “Bota sot”.
- Ukraina ka akuzuar forcat ruse për bombardimin e një teatri ku civilët ishin strehuar në qytetin jugor të rrethuar të Mariupol.
- Autoritetet në Ukrainë thonë gjithashtu se të paktën 107 fëmijë janë vrarë që nga fillimi i pushtimit
- Rreth 1.95 milionë njerëz janë larguar nga Ukraina në Poloni që nga fillimi i luftës, tha agjencia e Gardës Kufitare polake.
- Presidenti ukrainas Volodymyr Zelensky falënderoi Gjermaninë për ndihmën e saj gjatë një fjalimi në Berlin, por u tha ligjvënësve se mbështetja e tyre "erdhi shumë vonë për të ndaluar luftën".
- Kremlini ka thënë se negociatorët e Rusisë po vënë energji kolosale në bisedime për të arritur një marrëveshje të mundshme paqeje me Ukrainën.
- Gazetarja e televizionit shtetëror rus, e cila organizoi një protestë kundër luftës gjatë një buletini të drejtpërdrejtë, i tha BBC-së se "nuk mund të qëndronte mënjanë".
- Britania e Madhe do të vendosë sistemin raketor Sky Saber në Poloni, së bashku me 100 trupa, tha Sekretari i Mbrojtjes Ben Wallace.
- Sekretarja e Jashtme Liz Truss i tha BBC-së se ka "prova shumë, shumë të forta" se presidenti rus Vladimir Putin është një "kriminel lufte", pas komenteve të bëra nga presidenti amerikan Joe Biden.