Për të mbështetur njerëzit në nevojë në Ukrainë, Këshilli Federal rriti të premten ndihmën humanitare në rajon në 80 milionë CHF, njofton SRF.ch përcjell "Bota sot". Paratë janë të destinuara për t`i ndihmuar ata që po ikin dhe njerëzit që kanë mbetur në Ukrainë, një e katërta e tyre do të përdoret për të mirën e ukrainasve që kanë ikur në vendet fqinje.
Tre të katërtat janë caktuar për të ndihmuar njerëzit e mbetur pas në Ukrainë.
Departamenti i jashtëm po kontribuon me 21 milionë CHF nga kreditë ekzistuese. Departamenti i Drejtësisë është i përfshirë me 6 milionë franga zvicerane.
53 milionë frangat e mbetura janë fonde shtesë dhe do t'i paraqiten Parlamentit për miratim, thuhet në deklaratë. Sipas Këshillit Federal, Zvicra tashmë ka dërguar më shumë se 500 tonë ndihma në Ukrainë, Poloni dhe Moldavi.
Në këtë fazë të parë, paketa mbështetëse e Zvicrës arrin në 8 milionë CHF.
