Një zjarr i madh pyjor ka përfshirë përsëri një termocentral në Turqinë jugperëndimore, tha sonte një zyrtar lokal.
"Zjarri hyri në termocentralin," shkroi kryetari i bashkisë së Milas, Muhamet Tokat në Twitter, raportoi Reuters.
Ai shtoi se punonjësit e termocentralit u evakuuan plotësisht.
Më herët, zjarri në këtë zonë u vu nën kontroll, por u ndez përsëri.
Autoritetet turke thanë se më shumë se 150 zjarre pyjorë shpërthyen në jugperëndim të vendit javën e kaluar për shkak të temperaturave të larta, lagështisë së ulët dhe erërave të forta.
Tetë persona u vranë dhe mijëra u evakuuan, përfshirë turistë.
Alevler Termik Santrale girdi... Santral şu an tamamen boşaltılıyor ve şimdi sirenler çalıyor... pic.twitter.com/pWBn4bmQPh
— Av. Muhammet Tokat (@MuhammetTokat48) August 4, 2021