Një student 17-vjeçar u arrestua në shtëpinë e tij në Mykonos pasi akuzohet për pornografi me të miturit. Sipas mediave greke, adoleshenti komunikonte me një 12-vjeçare, të cilën e kishte bindur që t’i dëronte foto intime.
Më pas, 17-vjeçari i dërgoi foton babait të të miturës duke i kërkuar para që të mos e shpërndante në rrjet. Por nëna e të miturës vendosi që ta denonconte në Polici.
Pasi efektivët identifikuan dhe arrestuan të miturin, shkuan në banesën e tij dhe i sekuestruan dy hard disk kompjuteri dhe një celular.
Në të njëjtën kohë, Prokuroria e Krimit Kibernetik hetoi një rast tjetër të pornografisë së fëmijëve, në Syros, me një 20-vjeçar të akuzuar.
