Anëtarët e Presidencës së Bosnjë-Hercegovinës Zhelko Komshiq dhe Shefik Xhaferoviq kanë refuzuar të takohen me ministrin e punëve të jashtmë të Rusisë, Sergei Lavrov, i cili ndodhet në vizitë zyrtare në Sarajevë.
Ata do të mbajnë një konferencë shtypi, në të cilën do të flasin për arsyet e refuzimit të takimit me kryediplomatin rus, Lavrov, njoftojnë mediet boshnjake.
Lavrov është planifikuar të takohet me ministrin e jashtëm të BeH-së Biser Turkoviq dhe planifikohet gjithashtu një takim të delegacioneve të ministrive të jashtme të BeH-së dhe Rusisë.
Epilogu i këtij skandali diplomatik është se anëtari serb i Presidencës, Milorad Dodik, e priti i vetëm Lavrovin.
Lavrov gjatë ditës së sotme pritet të udhëtojë në Beograd, ku do të ketë takime me kreun shtetëror të Serbisë.
