Raporti financiar për vitin 2015 raportuar nga Ministria e Financave respektivisht nga ministri Hoti, paraqet nje deficit buxhetor prej 1.3 % te GDP aktuale, krahasuar me vitin 2014 ku deficiti buxhetor kishte tejkaluar kufirin me 0.59%.
Kjo përqindje e deklaruar ne raportin financiar, tregon një stabilitet buxhetor, pasi qe deficiti është nen normën e lejuar 2 % te GDP-se. Rritja e të ardhurave dhe ulja e të dalurave ndikon në uljen e deficitit buxhetor. Të dyja këta, pra rritja e të ardhurave dhe ulja e të dalurave kane ndikuar uljen e deficitit ne vitin 2015. Disa nga këto janë:
- të hyrat nga dogana pësuan një rritje si pasojeë e rritjes se akcizës dhe tarifave doganore përfshirë edhe rritjen e rivlerësimit të bazës doganore te produkteve te importuara dhe sasinë e rritur te importit,
- te hyrat nga Administrata tatimore e Kosovës që ishin respektivisht 332.7 milion, po ashtu kishin ndikim ne uljen e deficitit buxhetor. Në këto te hyrat nga Administrata tatimore e Kosovës janë të përfshira dhe tatimet në të ardhurat e korporatave, tatimi ne te ardhurat personale, tatimi ne TVSH, po ashtu dhe kthimet tatimore nga Dogana e Kosovës. Të hyrat e korporatave kanë pësuar një rritje për shkak se numri i tatimpaguesve është shtuar në krahasim me vitin 2014, ku kryesisht ishin ndërmarrjet industriale, bankare, tregtia, ndërtimtaria etj. Kurse tatimi ne te ardhurat personale është rritur për arsye se numri i punëtorëve është shtuar dhe pagat janë rritur me krahasim me vitet e kaluara. TVSH-ja ne anën tjetër është rritur si pasoje e rritjes së qarkullimit të ndërmarrjeve si në sektorët e ndërtimtarisë, tregtisë, shpërndarje e energjisë etj. Dhe ne fund mund te themi se kthimet tatimore nga Doganat kane pasur efekt të madh në rritjen e të ardhurave, sepse një vlere prej 6.8 milion euro është kthyer në ATK.
- pagat për punonjësit shtetëror që ishin 33% e shpenzimeve, i cili ishte me stabile në krahasim me vitin 2014 ku shpenzimet për pagat ishin rritur për 16%.
- mallrat përfshirë dhe shërbimet tjera janë 11% e shpenzimeve qe e pasqyron një përqindje me të arsyeshme se sa ajo e vitit 2014, sepse në vitin 2014 shpenzimet e mallrave ishin llogaritur si investime kapitale, gjë që e shkakton rritjen e shpenzimeve te mallrave. Pra, ne 2015 mund te themi se kemi pasur një ngritje nga Ministria e Financave të cilët ishin me të kujdesshëm dhe të planifikuar.
- shpenzimet kapitale që përfshijnë 25%, e ndihmuan zvogëlimin e të dalurave për shkak se shpenzimet kapitale kanë pasur ngecje.
Duke i konsideruar elementet kryesore që ndikojnë në deficitin buxhetor, dhe raportin e paraqitur nga Ministria e Financave, mund të themi se gjatë vitit 2015, si rezultat i menaxhimit efikas dhe planifikimit me të kujdesshëm krahas vitit 2014, është arritur një stabilitet buxhetor. Vlen të përmendet se edhe ripërtërija e marrëveshjes me FMN, i jep mundësi Republikës së Kosovës te ruaj stabilitetin, po ashtu edhe te ul deficitin buxhetor, por jo te tejkaloj përqindjen e lejuar nga FMN e cila është deri në 2% te GDP-së. Nëse kjo ulje e përqindjes së deficitit buxhetor do te ketë efekte pozitive apo negative në zhvillimin ekonomik të Kosovës do mbetet të shihet në të ardhmen.