(E plotësuar)- Nën patronatin e presidentes së Republikës së Kosovës, Atifete Jahjaga, me mbështetjen e Komunës së Gjakovës dhe kryetares, Mimoza Kusari-Lila, Shoqatës Afariste të Gruas “SHE RA” dhe të ËED/Ëomen’s, sot në Gjakovë është organizuar evenimenti mbi lansimin për Ditën e Grave Sipërmarrëse (WED).
Para të pranishmëve nga ana e organizatores Mirlinda Kusari – Purrini, drejtoreshë e Shoqatës Afariste të Gruas “SHE ERA”, janë prezantuar projekte nga puna dhe angazhimi për mbështetjen e grave sipërmarrëse.
Kusari-Purrini ka thënë se përkundër që Kosova nuk është pjesë e BE-së, gratë e Kosovës e kanë nderin të jenë lidere regjionale për të nominuar ambasadore në të gjithë Evropën.
Purrini thotë se gratë e Kosovës janë lidere në regjion për të nominuar ambasadore në Evropë
“Sot mbi 144 ambasadore gra në Evropë, në Amerikën Qendrore dhe Jugore, në ishujt Karaibe, në Lindjen e Mesme, Afrikën Veriore, Azi dhe Oqeani e festojnë këtë ditë për qëllim të fuqizimit të rreth 4 miliardë grave në planet, për të ngritur shpresat dhe për të ndihmuar 250 milionë gra që jetojnë në varfëri. Ne si Kosovë edhe pse nuk jemi pjesë e Bashkimit Evropian kemi pasur nderin që të jemi liderë regjional për të nominuar ambasadore në të gjithë Evropën”, ka thënë Kusari-Purrini.
Ndërsa, në fjalën e saj, presidentja Jahjaga, ka thënë se kjo nismë ndërkombëtare dedikuar rëndësisë së grave sipërmarrëse vë në pah nevojën për ngritjen e vetëdijes institucionale dhe shoqërore në të gjitha vendet e botës. Sipas Jahjagës, gratë në Kosovë janë të suksesshme, dhe këtë sukses e ka ndihmuar ajo dhe kryetarja e Gjakovës, Mimoza Kusari-Lila përmes grupit G7 të Dhomës Ekonomike të Grave.
Jahjaga: Kjo nismë ndërkombëtare vë në pah nevojën për ngritjen e vetëdijes institucionale dhe shoqërore
“Kjo nismë ndërkombëtare që i dedikohet rëndësisë së grave sipërmarrëse në zhvillimin e gjithmbarshëm ekonomik, për vitin e dytë me radhë vë në pah nevojën p ër ngritjen e vetëdijes institucionale dhe shoqërore në të gjitha vendet e botës për situatën jo të barabartë në të cilën gratë gjenden në sektorin e ekonomisë, dhe nevojën për të ndërmarrë hapa konkretë për ta ndryshuar atë. Në Kosovë kemi gra sipërmarrëse shumë të suksesshme të cilat kanë prekur majat në sektorët ku veprojnë. Një pjesë e këtyre grave, me mbështetjen që unë i kam ofruar së bashku me kryetaren Kusari-Lila, në atë kohë Ministre e Tregtisë dhe Industrisë, kanë krijuar edhe organizatë për të hapur rrugën edhe për të tjera, dhe ajo është grupi i ashtuquajtur G7 të Dhomës Ekonomike të Grave”, ka thënë Jahjaga.
Kryetarja e Komunës së Gjakovës, Mimoza Kusari-Lila, ka thënë se nëse nuk aktivizohet në plotni potenciali i ndërmarrësisë së Kosovës, atëherë ekonomia e Kosovës do të vuajë. Ajo ka shtuar se Komuna e Gjakovës në vazhdimësi ka synuar që të inkuadrojë gruan në vendimmarrjen ekonomike, duke filluar aplikimin e Fondit të Granteve për Ndërmarrësi.
Kusari-Lila: Nëse nuk shfrytëzohet potenciali ekonomik, ekonomia vendore do të vuaj
“50 përqind e potencialit të ndërmarrësisë së Kosovës, të potencialit ekonomik, nëse nuk aktivizohet në plotni, atëherë ekonomia e Kosovës dhe ekonomia globale në përgjithësi do të vuajë. Duke qenë të vetëdijshëm për rëndësinë dhe potencialin, por gjithashtu edhe karakteristikat që i ka ekonomia lokale e Gjakovës, komuna e Gjakovës në vazhdimësi ka synuar që të inkuadrojë gruan në vendimmarrjen ekonomike. Si rrjedhojë e kësaj ne si Kuvend Komunal kemi filluar, dhe më vjen mirë që jemi një ndër komunat e para në Kosovë shpresojmë që do të ketë edhe tjera që e përcjellin me fondin e granteve për ndërmarrësi”, ka thënë Kusari- Lila.
Në këtë eveniment të pranishmëve u janë drejtuar edhe Andrew Russell, shefi i UNDP-së në Kosovë, si dhe Michelle Schohn, zyrtare për marrëdhënie me publikun në Ambasadën Amerikane. Po ashtu të pranishëm kanë qenë edhe gra nga vendet mike të Kosovës, përfaqësuese të BE-së, si dhe gra nga ambasadat në vend.
Gjakova shembull i mirë i inkuadrimit të gruas në vendimarrje ekonomike
Sot në Komunën e Gjakovës, nën patronatin e Presidentes së Republikës së Kosovës, Atifete Jahjaga në mbështetje të Qeveris Komunale në krye me Kryetaren Mimoza Kusari-Lila, Shoqatën Afariste të Gruas “:SHE ERA”, dhe të WED/Women’s, është organizuar evenimenti mbi lansimin për Ditën e Grave Sipërmarrëse (WED).
Fillimisht para të pranishmëve nga ana e organizatores Mirlinda Kusari – Purrini, drejtoresh e Shoqatës Afariste të Gruas “SHE ERA”, janë prezantuar projekte nga puna dhe angazhimi për mbështetjen e grave sipërmarrëse.
Këtë organizim e ka nderuar me pjesëmarrjen e saj edhe Presidentja e Republikës së Kosovës, znj. Atifete Jahjaga e cila pasi ka rikonfirmuar mbështetjen e vazhdueshme për gratë afariste, ka shtuar se baza e një zhvillimi të qëndrueshëm është inkorporimi dhe përfaqësimi i gruas në të gjitha sferat e shoqërisë. “Më vjen mirë që këtë organizim e sollëm në qytetin e bukur të Gjakovës, që dikur ishte edhe kryqendër industriale me numrin më të madh të grave të punsuara në Kosovë. Kjo nismë ndërkombëtare që i dedikohet grave sipërmarrëse në zhvillimin e gjithëmbarshëm ekonomik, për të dytin vit me radhë vë në pah nevojën e ngritjes së vetëdijes institucionale dhe shoqërore në mbarë Botën për situatën jo të barabartë që gratë gjenden në sektorin ekonomik” tha ndër të tjera Presidentja Jahjaga.
Për angazhimin e vazhdueshëm lokal drejt fuqizimit të grave sipërmarrëse në Komunën e Gjakovës, fjalë rasti mbajti Kryetarja e Komunës Mimoza Kusari – Lila, e cila tha se tashmë Gjakova ka dëshmuar në disa raste mbështetje konkrete për gratë ndërmarrëse. “Duke qenë të vetëdishëm për rëndësin dhe potencialin, por gjithaqshtu edhe karakteristikat që i ka ekonomia lokale e Gjakovës, Komuna e Gjakovës në vazhdimësi ka synuar të inkuadroj gruan në vendimmarrjen ekonomike. Si rrjedhoj e kësaj ne si Kuvend Komunal, kemi filluar dhe më vjen mirë që jemi ndër Komunat e para në Kosovë me fondin e granteve për ndërmarrësi, ku nga ky fond tashmë kemi një kuot mbështetëse për gratë dhe 30% e shumës së fondit të ndarë, nga 31 bizneset e përzgjedhura janë bizneset me pronare dhe menaxhere femra”, tha Kryetarja Kusari – Lila.
Në këtë eveniment të pranishmëve u janë drejtuar edhe z. Andrew Russell, shefi i UNDP-së në Kosovë, si dhe znj. Michelle Schohn, zyrtare për marrëdhënie me publikun në Ambasadën Amerikane .
Përpos shumë grave siëprmarrëse nga e tërë Kosova, në këtë aktivitet kanë marrë pjesë edhe shumë miq ndërkombëtar, përfaqësues të Bashkimit Evropian dhe të shteteve mike të përfaqësuara nga ambasadat në vendin tonë.