Në një solemnitet rasti sot me 24 Qeshor 2015 kompania M&Sillosi, pjesë e Devolli Corporation, zyrtarisht nënshkroi kontratat e bashkëpunimit me 42 pikat grumbulluese të grurit anekëndë territorit të Republikës së Kosovës.
Përveç nënshkrimit të kontratave, menaxhmenti i kompanisë prezantoj planet e sivjeme të grumbullimit të grurit, kriteret e cilësisë, kompensimit dhe blerjes së grurit. Ky solemnitet, që përfundoj me një drekë pune të përbashkët, u shfrytëzua për këmbimin e përvojave dhe për diskutim të çështjeve logjistike në përkrahje të realizimit të suksesshëm të korrjeve 2015.
Drejtuesit e kesaj kompanie theksuan se ndodhemi në prag të sezonit të korrjeve, andaj kompania M&Sillosi përmes këtij solemniteti me partnerët e saj strategjik (pikat grumbulluese) fton qytetarët e Republikës së Kosovës që rendimentet e sivjeme t'i sjellin në pikat grumbulluese apo edhe drejtpërdrejt në fabrikën e M&Sillosi në Xërxë të Rahovecit.
U konkludua se bashkepunimi i ndërsjellë do te sjell dobi për të gjithë qytetarët e Republikës së Kosovës, duke siguruar rritje të punësimit dhe duke garantuar cilësi të produkteve.
M&Sillosi me kapacitet të deponimit prej 58 mijë ton dhe kapacitet ditor të prodhimit prej 600 ton, ku në kuader të saj ka laboratorin e vetëm të akredituar në Kosovë për analiza të miellit dhe grurit sipas standardeve ISO dhe HACCP, është njëra nga fabrikat më serioze të prodhimit të miellit në rajon./BS
