Ministri në detyrë i Financave, Besim Beqaj, ka mohuar se si pasojë e bllokadës institucionale do të rrezikohet sistemi fiskal dhe bankar në Kosovë.
"Kemi stabilitet financiar dhe nuk rrezikohen pagat as për këtë vit e as për vitin tjetër. Pra nuk rrezikohet asnjë pagesë tjetër”, tha ministri Beqaj për Klan Kosova.
Ai tha se në qoftë se nuk krijohet qeveria sivjet duhet të mbahen zgjedhjet, por nuk ka krizë financiare në shtet as për vitin e ardhshëm.
