nvestitorët aktualë dhe ata potencialë kërkojnë nga Qeveria e Kosovës të luftohet korrupsioni në mënyrë efikase. Sipas një ankete të publikuar sot nga Ministria e Tregtisë e Industrisë, investitorët veç tjerash kërkojnë heqjen e burokracisë dhe përmirësimin e imazhit të vendit.
100% e investitorëve të anketuar pajtohen se është e një rëndësie të veçantë luftimi i korrupsionit në mënyrë efikase. Afro 75% e investitorëve aktualë deklarojnë se është shumë e rëndësishme heqja e burokracisë, kurse mbi 70% vlerësojnë si shumë të rëndësishme përmirësimin e imazhit të vendit.
Vlerësim negativ investitorët kanë dhënë edhe për Zonat e Lira Ekonomike, stabilitetin politik dhe sundimin e ligjit.
inistri i Tregtisë e Industrisë Bernard Nikaj, u shpreh se tashmë kanë bërë hapa të duhur për ti plotësuar nevojat e investitorëve.
“Në muajt e fundit kemi bërë shumë në këtë drejtim. Kemi shpallë Zonat e para të lira ekonomike në Kosovë, pastaj Ministria e Financave ka miratuar paketën e stimujve fiskalë për investime të reja si dhe është bërë një numër i madh i lehtësirave tjera fiskale”, tha ai.
Poashtu ministri Nikaj tha se janë duke punuar në promovimin e tregut në zhvillim të vendit, fuqisë së re punëtore, kostos së saj dhe krijimit të një ambienti sa më të mirë për të bërë biznes.
