Malajzia do të dërgoj më tepër pajisje në Oqeanin Indian Jugor për t'iu bashkuar kërkimeve për aeroplanin në fluturimin MH370, i cili është zhdukur para katër muajsh, ka thënë sot një zyrtar i lartë.
Ministri i mbrojtjes, Hishammuddin Hussein, tha se anjë anije e Marinës së Malajzisë, me pajisje speciale, do të jetë e gatshme më 4 gusht për kërkim të thellë në det, në një zonë të largët në pjesën perëndimore të Australisë, raporton AFP.
Ai ka thënë se një tjetër anije e Malajzisë, që ishte vendosur në muajin prill, do të qëndroj në hapësirën e kërkimeve.
Aeroplani i kompanisë ajrore të Malajzisë e humbi kontaktin më 8 mars gjatë fluturimit prej kryeqytetit Kuala Lumpur për në Pekin të Kinës, me 239 udhëtarë e anëtarë të ekuipazhit.