Një australiane është në mesin e anëtarëve të organizatës së ndihmës World Central Kitchen që u vranë në Gaza, tha të martën kryeministri australian Anthony Albanese.
“Lalzawmi ‘Zomi’ Frankcom po bënte një punë jashtëzakonisht të vlefshme. Është dikush që doli vullnetar në Australi për të ndihmuar njerëzit gjatë zjarreve. Ishte dikush që ishte vullnetar jashtë shtetit për të ofruar ndihmë nëpërmjet kësaj bamirësie për njerëzit që po vuajnë privime të jashtëzakonshme në Gaza”, tha ai, raporton CNN.
“Australia pret përgjegjësi të plotë për vdekjet e punonjësve të ndihmës, gjë që është krejtësisht e papranueshme”, tha Albanese.
Australia ka kontaktuar Izraelin, tha Albanese.
“E vërteta është se kjo është përtej çdo rrethane të arsyeshme që dikush që do të ofrojë ndihmë dhe ndihmë humanitare duhet të humbasë jetën. Dhe në këtë automjet ishin katër punonjës të ndihmës si dhe një shofer palestinez”, tha Albanese.
Kryeministri i dërgoi ngushëllimet më të thella familjes së saj.
