Më shumë se 280 nxënës nigerianë të rrëmbyer në qytetin veriperëndimor të Kurigas në fillim të këtij muaji janë liruar “të padëmtuar”, thonë zyrtarët.
Guvernatori i shtetit Kaduna, Uba San, nuk dha detaje të lirimit, disa ditë përpara një afati përfundimtar për shpërblimin e kërkuar nga rrëmbyesit.
Fëmijët, nga tetë deri në 15-vjeç, dhe një mësues, u rrëmbyen më 7 mars. Bandat e rrëmbyesve kanë kapur mijëra njerëz vitet e fundit, veçanërisht në veri-perëndim.
Megjithatë, ka pasur një reduktim të rrëmbimeve masive të fëmijëve gjatë vitit të kaluar deri në këtë javë.
Të rrëmbyerit zakonisht lirohen pasi të paguhet një shpërblim. Këtë herë, militantët kishin kërkuar 690,000 dollarë. Qeveria kishte thënë se nuk do të paguante asnjë shpërblim.
Në deklaratën e tij, guvernatori Sani vlerësoi presidentin e Nigerisë Bola Tinubu “për sigurimin që nxënësit e rrëmbyer në Kuriga të lirohen të padëmtuar”.
Rrëmbimi masiv ndodhi mëngjesin e 7 marsit gjatë asamblesë së shkollës. Sipas dëshmitarëve, nxënësit ishin në terren rreth orës 08:30 kur dhjetëra persona të armatosur me motoçikleta kaluan nëpër shkollë, duke marrë përfundimisht 187 nxënës nga një shkollë e mesme dhe 125 nga shkolla fillore lokale. Njëzet e pesë u kthyen më vonë.
Shumica e rrëmbimeve në Nigerinë veriperëndimore, duke përfshirë shtetin Kaduna, besohet se janë vepër e bandave kriminale që përpiqen të fitojnë para nga shpërblimet, shkruan BBC.
