Suedia të mërkurën hoqi dorë nga hetimet e saj për shpërthimet në vitin 2022 në tubacionet “Nord Stream” që transportonin gaz rus në Gjermani, duke thënë se nuk kishte juridiksion në këtë rast, por u kishte dorëzuar provat që kishte zbuluar tek hetuesit gjermanë.
Tubacionet shumë miliardë dollarëshe Nord Stream 1 dhe 2 që transportojnë gaz nën Detin Baltik u çanë nga një seri shpërthimesh në zonat ekonomike suedeze dhe daneze në shtator 2022, duke lëshuar sasi të mëdha metani në ajër.
Rusia dhe Perëndimi, në mosmarrëveshje për pushtimin e Ukrainës nga Moska në shkurt të atij viti, kanë drejtuar gishtat ndaj njëri-tjetrit. Secili ka mohuar çdo përfshirje dhe askush nuk ka marrë përgjegjësinë, raporton Reuters.
Prokurori publik suedez Mats Ljungqvist i tha Reuters: “Ne kemi një pamje të asaj që ka ndodhur, dhe nga çfarë përbëhet ajo foto nuk mund të hyjmë në më shumë detaje, por kjo çon në përfundimin se ne nuk kemi juridiksion,” tha ai.
