Sekretari i Jashtëm britanik James Cleverly është takuar me zëvendëspresidentin e Kinës, Han Zheng, gjatë vizitës së parë në Pekin nga një sekretar i jashtëm i Mbretërisë së Bashkuar në pesë vjet.
Gjatë takimit, Cleverly tha se ishte e rëndësishme që dy qeveritë të zhvillojnë takime të rregullta ballë për ballë për të shmangur keqkuptimet. Ai tha gjithashtu se ishte e rëndësishme të adresohen sfidat dhe dallimet mes marrëdhënieve dypalëshe, sipas Reuters.
Han tha se shpresonte se marrëdhënia dypalëshe do të bënte përparime të reja nëpërmjet respektit të ndërsjellë dhe bashkëpunimit praktik.
Cleverly tha se asnjë çështje ndërkombëtare nuk mund të zgjidhej pa përfshirë Kinën por se Pekini gjithashtu duhej t’i përmbahej detyrimeve dhe angazhimeve të tij ndërkombëtare.
Të mërkurën, zëdhënësi i ministrisë së jashtme të Kinës, Wang Wenbin, tha se rritja e marrëdhënieve dypalëshe midis dy vendeve u shërben interesave të tyre të përbashkëta.
