Zelensky thotë se Ukraina po përgatitet për një sulm të madh
Ushtria e Ukrainës po përgatitet për bombardime masive ruse në të gjithë vendin çdo ditë tani.
Dhe presidenti Volodymyr Zelensky i tha kombit të tij në fjalimin e natës të dielën se Rusia “ka hedhur më shumë trupa në betejë”, shkruajnë mediat e huaja.
“Ne e shohim këtë presion të shtuar në fusha të ndryshme të vijës së frontit, si dhe presion në fushën e informacionit”, tha ai.
“Është shumë e vështirë në rajonin e Donetskut – ka beteja të ashpra. Por sado e vështirë të jetë dhe sado presion të ketë, ne duhet t’i rezistojmë”.
Paralajmërimet për beteja të ashpra priten në kohën kur ministri i Mbrojtjes, Alexey Reznikov, pritet të zëvendësohet nga shefi i inteligjencës ushtarake Kirill Budanov.
Thashethemet për dorëheqjen e mundshme të Reznikov u shfaqën në mes të skandalit të korrupsionit që ka përfshirë qeverinë e presidentit Zelensky.
Kjo bëri që disa zyrtarë të lartë ukrainas, duke përfshirë guvernatorët e vijës së parë të humbnin punën e tyre muajin e kaluar.
Zelensky do të zëvendësojë ministrin e Mbrojtjes në një “riorganizim të kohës së luftës”
Ukraina do të zëvendësojë ministrin e mbrojtjes Oleksii Reznikov me shefin e agjencisë së saj të spiunazhit ushtarak.
Kështu, siç raportojnë mediat e huaja, ka thënë një ligjvënës i lartë, në një riorganizim të profilit të lartë të kabinetit pas skandaleve të korrupsionit dhe përpara një ofensive të pritshme ruse.
Reznikov, 56 vjeç, do të transferohej në një punë tjetër ministrore dhe do të zëvendësohej nga Kyrylo Budanov, 37 vjeç, i cili drejton agjencinë e inteligjencës ushtarake të Ukrainës GUR, tha David Arakhamia në aplikacionin e mesazheve Telegram të dielën, shkruan Al Jazeera.
“Lufta dikton politikat e personelit”, citohet të ketë thënë Arakhamia, një aleat i ngushtë i presidentit Volodymyr Zelensky.
Megjithatë, nuk kishte asnjë deklaratë të menjëhershme nga Zelensky për zëvendësimin e Reznikov, një ish-avokat që u bë ministër i mbrojtjes në nëntor 2021, disa muaj përpara se Rusia të niste agresionin e saj në shkallë të plotë më 24 shkurt të vitit 2022.
Reznikov ka ndihmuar në sigurimin e armëve perëndimore për të mbështetur forcat ukrainase dhe largimi i tij si ministër i mbrojtjes do të ishte ndryshimi i profilit më të lartë të qeverisë në një mori dorëheqjesh dhe shkarkimesh pas një skandali korrupsioni në fund të muajit të kaluar dhe zotimit të Zelensky që Ukraina të përmbushë standardet perëndimore të “qeverisjes së pastër”.
Presidenti ukrainas publikon pamje të ushtarëve ukrainas që u liruan nga robëria ruse
Këshilltari presidencial ukrainas Anton Gerashchenko ka shpërndarë një video të ushtarëve ukrainas të liruar së fundmi nga robëria ruse.
Në pamjet, një nga burrat pretendon se është mbajtur për tetë muaj.
Ndërsa një tjetër thotë se po ha fruta për herë të parë në një vit.
Ukrainian Defenders right after they were free from Russian captivity. Their first words and emotions.
“Po zvarriten si buburreca”, këto pamje tregojnë gjithçka - ja si u ndaluan trupat ruse në hyrje të qytetit ukrainas
Një video e shpërndarë në rrjetin social tregon se çfarë ndodhi me trupat ruse kur u përpoqën të hyjnë në qytetin Bakhmut.
Si rezultat, forcat ukrainase iu kundërpërgjigjën me një sërë sulmesh nga lart.
Videoja e shpërndarë nga faqja Operativno_ZSU tregon se si rusët po qarkullonin në objektet e Bakhmutit, derisa shkroi se ‘rusët po zvarriteshin si buburrecat”.
"Птахи Мадяра" показали що відбувається із ординськими сучими потрохами при спробі зайти у Бахмут.
Si rezultat pas një çasti, Ukraina kreu një sërë bombardimesh në këto objekte.
Ndryshe, presidenti ukrainas Volodymyr Zelensky ka thënë se trupat e tij po përballen me luftime të ashpra në Bakhmut, Vuhledar dhe Lyman në lindje të Ukrainës.
Çfarë po ndodh me Kadyrovin? Lideri çeçen ka pësuar ndryshim drastik në paraqitje
Një fotografi që tregon paraqitjen e kreut të Çeçenisë, Ramzan Kadyrov më ndryshe se herave të tjera po qarkullon me të madhe në Twitter.
Kadyrov si duket ka shtuar në peshë sipas imazheve që u shpërndanë nga përdorues të ndryshëm.
Një ndër ta që ndau imazhet është edhe këshilltari i Ministrisë së Brendshme të Ukrainës, Anton Gerashchenko. Ai postoi dy imazhe të Kadyrovit në një fotografi të vetme ku shihet krahasimi.
Imazhi i parë e tregonte udhëheqësin çeçen më datën 27 shkurt të vitit 2022, dhe tjetra më 3 shkurt të vitit 2023, sipas imazhit ka një diferencë të tek Kadyrov, derisa Gerashchenko shtron pyetjen se çfarë po ndodh me të.
Kjo fotografi madje është përhapur edhe nga përdorues të tjerë në Twitter.
“Ky është gjenocid”: Zonja e parë e Ukrainës dënon sulmet e fundit raketore
Së fundi, u raportuan për sulmet me raketa ruse në qendër të Kharkiv - qytetit të dytë më të madh të Ukrainës.
Guvernatori rajonal i Kharkiv, Oleh Syniehubov tha se katër persona u plagosën kur një raketë ruse S-300 ra pranë një blloku apartamentesh dhe një tjetër u lëndua kur një raketë goditi një ndërtesë të arsimit të lartë, shkruan Skynews, përcjell "Bota sot".
Ky sulm erdhi vetëm disa ditë pasi autoritetet ukrainase thanë se qyteti jugor Kherson ishte gjithashtu nën granatimet ruse. Bombardimi dëmtoi ndërtesa banimi, një spital, një shkollë, një stacion autobusi, një bankë dhe një zyrë postare.
Tani, zonja e parë e Ukrainës, Olena Zelenska ka thënë se "nuk ka logjikë ushtarake" për atë që po bën Rusia dhe dëshira e tyre është "të kthejnë qytetet në gërmadha dhe të vrasin".
Ajo tha: "Ky është gjenocid, i cili duhet të perceptohet nga bota si një terror i pakuptimtë dhe e keqe absolute".
