Guvernatorja e Tokios u ka kërkuar banorëve të këtij qyteti japonez që të mbajnë xhemperë këtë dimër për të kursyer energjinë elektrike, raporton BBC.
Yuriko Koike thotë se veshja e xhemperëve mund të jetë një mënyrë e mirë për të ulur faturat. Punonjësve të qeverisë së qytetit tashmë u është thënë që të japin shembull për banorët e tjerë të Tokios dhe të fillojnë të veshin patina.
Autoritetet në kryeqytetin japonez po vendosin udhëzime për konsumin sa më të ulët të energjisë këtë dimër për shkak të furnizimit të pasigurt dhe rritjes së çmimeve.
Zyrtarët e qytetit erdhën në takim, ku kursimet ishin tema kryesore, në patina. E pyetur nëse xhemperët janë të përshtatshëm për punë, Koike tha se Emmanuel Macron, presidenti i Francës, duhet të jetë një model për njerëzit, sepse ai është i famshëm për këtë pjesë të veshjes.
Nuk është e qartë nëse Macron vesh xhemper për të kursyer energji apo është stili i tij, por dashuria e tij për këtë pjesë të veshjes tashmë është bërë objekt debati.
“Çfarë thotë lista e Macron-it?” titullohej teksti i publikuar në revistën Vanity Fair. Megjithatë, Koike shpalli veshjen e një xhemperi si "një nga mënyrat krijuese për të kapërcyer krizën e energjisë dimërore".
“Dëshiroj të ndaj shqetësimet për situatën e vështirë energjetike këtë dimër, ndërsa në të njëjtën kohë mund të bëjmë një bisedë argëtuese përmes modës”, shtoi ajo.
Në fillim të nëntorit, qeveria japoneze u kërkoi njerëzve të fikin dritat e panevojshme, të veshin shtresa të veshjeve brenda dhe të ulin temperaturat e ngrohjes midis 1 dhjetorit dhe 31 marsit.
