Çmimet e grurit pritet të rriten të hënën pasi tërheqja e Rusisë nga një marrëveshje e korridorit të Detit të Zi vë në rrezik eksportet e Ukrainës, kanë thënë analistët.
Tregjet e grurit kanë qenë shumë të ndjeshme ndaj zhvillimeve në pushtimin tetë mujor të Ukrainës nga Moska, pasi të dyja vendet janë ndër eksportuesit më të mëdhenj të grurit në botë, raporton Reuters. Ukraina është gjithashtu një furnizues kryesor i misrit.
Krijimi i korridorit, i cili lejoi që mbi 9 milion ton mallra drithëra dhe farëra vajore të dërgoheshin nga portet e Ukrainës, ndihmoi në stabilizimin e tregjeve të drithërave dhe frenimin e çmimeve globale pasi ato arritën nivele rekord.Kjo qetësi relative ka të ngjarë të përfundojë kur gruri i Çikagos dhe Parisit, dy kontratat e së ardhmes më aktive të grurit në botë, të fillojnë javën e tyre të tregtimit të hënën.
“Njoftimi i Rusisë është sigurisht rritës për çmimet dhe fillimi i javës ka shumë të ngjarë të shohë rritje të çmimeve, thjesht sepse më pak drithë do të dalin nga Ukraina”, tha Arthur Portier i konsulencës Agritel për Reuters.
