Njëzet persona u vranë në përmbysjen e një autobusi pasagjerësh në Algjeri, njoftoi të premten agjencia shtetërore e lajmeve APS.
Aksidenti, i cili ndodhi të enjten në provincën jugore të Tamanrasset, plagosi 11 vetë, tha agjencia në një raport, duke cituar shërbimin e mbrojtjes civile.
Shumica e viktimave janë të kombësive të ndryshme afrikane, raporton APS, pa dhënë detaje të tjera, raportojnë mediat e huaja.
Një shtetas algjerian ishte mes të vdekurve, raportoi portali algjerian i lajmeve Elkhabar. Shkaku i aksidentit nuk dihet ende.
Tamanrasset, e vendosur jo shumë larg kufijve me Mali dhe Niger, konsiderohet si një pikë tranziti për migrantët afrikanë që duan të shkojnë në Evropë.
