Piktorja akademike kroate, njëherësh magjistre e pikturës, Deniss Grgic, u bë e njohur në rrjetet sociale falë dukjes së saj tërheqëse.
Përkatësisht, ajo mori nofkën ‘Megan Fox kroate’, ndërsa së shpejti do të konkurrojë në spektaklin e atjeshëm, “Dancing with the Stars”.
Artistja, e cila ndiqet nga më shumë se 86 mijë njerëz në Instagram, së fundmi ka folur për mediat kroate se çfarë mendon për krahasimin me aktoren e njohur hollivudiane.
“Më pëlqen të jem unike dhe të mos e krahasoj veten me askënd, ndërsa krahasimi me Megan erdhi nga fakti se njerëzit ndonjëherë shohin një ngjashmëri dhe më përmendin, dhe kështu u bë interesante që me dikë ngjajmë më shumë e me dikë aspak”.
“Megan Fox është një femër e suksesshme dhe nga ky aspekt, mund të jetë një kompliment për mua, por besoj se ne të dyja jemi unike, secila në mënyrën tonë dhe se ne të dyja kemi vlera që mbarten nga personaliteti ynë”, citon Klix.ba fjalët e saj.
Deniss është marrë edhe me modeling dhe ka interpretuar në video të shumta, ndërsa gjatë Kampionatit Botëror në Rusi në 2018, tërhoqi vëmendjen e fotografëve botërorë në tribuna.
