Organizata Botërore e Shëndetësisë përfundoi të enjten një “mision shumë kompleks” duke ofruar ndihmë mjekësore në spitalet në Gazën veriore.
Megjithë “armiqësitë e vazhdueshme” në qytetin e Gazës, furnizimet iu dorëzuan rreth një mijë pacientëve në spitalet Al Sahaba dhe Al Ahli, tha Drejtori i Përgjithshëm i OBSH-së, Tedros Adhanom Ghebreyesus në një postim në X.
Spitali Al Sahaba mori gjithashtu një paletë me ushqim të konservuar dhe një pacient me lëndime komplekse të gjymtyrëve të poshtme u transferua me sukses nga Al Ahli në një spital fushor në Rafah, tha Tedros.
“Rrugës për në veri, disa furnizime mjekësore dhe ushqime u shpërndanë vetë nga komunitetet e dëshpëruara dhe të uritura,” shtoi Tedros, por kërkoi që nevojiten më shumë furnizime mjekësore dhe ushqim për t’u shërbyer “qindra pacientëve”.
Tedros përfundoi duke përsëritur thirrjet për një “kalim të qëndrueshëm dhe të sigurt për ndihmën humanitare” dhe bëri thirrje për një armëpushim të menjëhershëm.
