Të paktën 11 persona kanë ndërruar jetë nga sulmi ajror izraelit që shkatërroi një ndërtesë pranë ambasadës Iraniane në Damask. Izraeli ka bërë të qartë se grupi i Hezbollahut do të ndëshkohet.
SHBA ka reaguar për këtë sulm duke informuar Iranin se nuk kishte “asnjë përfshirje” dhe njohuri paraprake për sulmin ajror të Izraelit në ambasadën e Republikës Islamike në Damask të hënën.
Autoritetet izraelite bënë të qartë se sulmi synonte vrasjen e pjesëtarëve të Gardës Revolucionare, mes tyre edhe dy oficerët më të lartë të këtij organi elitar të ushtrisë iraniane.
Drejtori i OJQ-së me bazë në Britani me një rrjet të gjerë burimesh në Siri sqaroi se në mesin e të vdekurve nuk kishte civilë.
