Rebelët Houthi do të sigurojnë kalim të sigurt për anijet kineze dhe ruse në Detin e Kuq, derisa sulmet po vazhdojnë kundër anijeve tregtare si hakmarrje për luftën e Izraelit në Gaza, tha një zëdhënës i militantëve të mbështetur nga Irani për mediat ruse të enjten.
Në një intervistë me gazetën pro-Kremlinit Izvestia, zyrtari i lartë i Houthit, Mohammed al-Bukhaiti tha se militantët me bazë në Jemen do të sulmonin vetëm anijet e lidhura me Izraelin dhe aleatët e tij.
“Si për të gjitha vendet e tjera, përfshirë Rusinë dhe Kinën, transporti i tyre në rajon nuk kërcënohet”, tha ai. “Për më tepër, ne jemi të gatshëm të sigurojmë kalimin e sigurt të anijeve të tyre në Detin e Kuq, sepse liria e lundrimit luan një rol të rëndësishëm për vendin tonë”.
Houthit hodhën raketa në një tjetër anije tregtare në pronësi të ShBA-së të enjten, vetëm disa orë pas një raundi të ri të sulmeve ushtarake amerikane kundër grupit në Jemen.
“Anijet izraelite ose ato që lidhen në çfarëdo mënyre me Izraelin nuk do të kenë mundësinë më të vogël për të lundruar nëpër Detin e Kuq”, tha Bukhaiti për gazetën ruse. “Sulmet ndaj tyre do të vazhdojnë”.
